الله أعلم وش تكون الخلطه السريّه

[عـزام]

قصيده غزليه للشاعر تركى الميزانى واتمنى ان تحوز على ذائقتكم الشعريه..

يا عذابى منك يا موتى ويا حرمانى=زابنك بالله تخفف عنّى اللى فيّه

من عذابك وش هو اللى باقىٍ ما جانى=فى عيونى من عذابك صايرٍ ماريّه

وانت تدرى كل ما تحتاجنى تلقانى=يشهد الله عنك ما تقدر تشح ايديّه
بس تكفى لا تعذبنى ولا تنسانى=ضمنى يا نور عينى فى حشاك شويّه

كل ما شفتك تدخلنى بعالم ثانى=عين تنظر لك بشر والثانيه حوريّه

فيك شيطان الهوى يا منيتى وصانى=بالغلا والولف والتقدير والحنيّه

والقصيد اليا بغيته فيك ما يعصانى=يتباشر فى وصوف عيونك السحريّه
ووجودى لو اشوفك يا بعد خلانى=والله انى لا احذف الغتره على الطاقيّه
كيف انا المجنى عليه وكيف صرت الجانى=لعنبو حظك ظبطت الخلطه السريّه
لين من طيشك ومن حبك نسيت اخوانى=صرت اجى واروح لا هذى ولا هاذيّه
والهوى هو حاكم شعورى وهو سلطانى=ولا حصلى منه لا رحمه ولا ماويّه
اشهد انه راح فيها تركى الميزانى=والله اعلم وش تكون الخلطه السريّه