العز الاول راح

[نبض المعاني]

يقول الشاعر مهذل اليامي

زمانـنـا هــذا لـلانـذال جـنّـه=مدهالهـم مالـذ منهـا ومـا طـاب

وغـدى لعطـران الشـوارب مجنـه=الحـى منهـم فـى كفـن ذل وتـراب

والعـز الاول راح وعـايـد لامـنـه=باع كل غمرا نفسه فداللمسجد والمحراب

والمنهـل الطـاهـر وروده أمشـنـه=هزلت حبالـه بيـن مرخـى وجـذاب

والمتقـى عـوج الليـالـى ضـونـه=وأزراه بهـروج القفـا كـل كــذاب

والمدعـى تخبـرك دعــواه عـنـه=يوم الردى فى نـص دعـواه مرتـاب

أرخوا علـى خيـل الظلالـه لاعنـه=شيا طين على ساداتهم صارواأحـزاب

يـا طـول ماقامـوا بفـرض وسنـه=وياما قـروا خيبهـم الله مـن أكتـاب

خـابـوا ولا يستاهـلـون المحـنّـه=والنار مثواهم معـا كـل مـن خـاب

يـا الله تعيـن اللـى همومـه كونّـه=وتسوق موته وانـت للمـوت جـلاب

وافرج لمنهو خاب فى النـاس ضنـه=واحتار فى الربع القرايـب والاجنـاب

أحتـد يطلـق نيتـه وايـقـن انــه=فى العاقبه يجنى الخسايـر والانشـاب

وشبـاك هـراج القـفـا صايـدنّـه=طقن جنـاح العـز وأرتـد منصـاب

ونيت عـرض وطـول ونـه بونّـه=يلـج معهـا كــل وادى ومـرقـاب

يـوم العقـول العـارفـه مستجـنـه=والعدو يرصد لهاالمكيده مع كل بـاب

مـن سرتـه بيـض الليالـى دهـنّـه=وسود الليالـى والزمـن لـه تقـلاب

لا تامـن الدنيـا وهــى مستكـنّـه=تـراك بيـن أم (شبريـن والــداب)

يــوم هـنـوف بالجواهرأمـرنـه=ويوم عجـوز عـوده راسهـا شـاب

وان راحـت الدنيـا بـقـرم تحـنّـه=فأصبر وقد راحت بأبو زيـد وذيـاب

لا تسفه العاقـل علـى صغـر سنّـه=ولا يغـرك تايـه الـراى لـو شـاب

واللـى مهازيـل السنـيـن أدبـنـه=أفرح بقربه لى حضر وأبك لى غـاب

والخير فى بعـض النـاس لا تضنّـه=اللـى لعربـانـه عــدو وحــراب

واللى على الاجـواد يضحـك بسنـه=لا بـد لـه يـوم يكلـخ بـلا نــاب

وأن ضايقـك همـك لـزوم تكـنّـه=لا يشمتون بك القرايـب والاصحـاب

ومن صد عن عـوج المقاديـر جنّـه=خلك لما تملـك مـن المـال وهـاب

نبض المعاني