تغنيت باسم اعجيم جدي وجـدي يام=ومن ديرة الدامر بسوق القـدم يمه
الى وادي العود الفحل دوسرالضرغام=راع الوادي المسمى مهو وادي الرّمـه
ظنا زايد وتغلب اتحط العلـوم اقسام=كلام عليـه الحلـف والنـذر والذمه
تعنا الشريف لدارهـم معتليـه اعـرام=وردت عزاويه بعـد جورهـم يا امه
تعدا القبايـل ساكنـه يبتحـص قدام=وبعد ماوصلهم قصوا اشنابـه وكمه
فهم مزبن الساطي وهم ملتجا المنضام=وهم فزعة المضهود هم نقـوة الامه
وهم ملتقا الهاشل وهم نصرة الاسلام=وهم مدت المحتاج هم للخـوي دمه
وهم حكمة المجلس وهم عزوة الزهام=وهم ضحكة الحجان هم للعـدو غمة
وصاة الرسول ابجارهم طبقت باحكام=وكنه يخص الدوسـري خيـرة الامه
يسوقون جار البيت لو صابته الاسهـام=ويدله غريب الـدار معهـم ولا همه
ووسم العصا ما احدٍ سبقهم عليه اشمام=اهنا الفرق يااللي تحفظ العلم واتضمـه
هل البل حماة الغرس لو ركزت الاعلام=حما دارهـم لوجّـرت الضـد ملتمه
أبمدح الدواسر شرهتي تلحق الاقلام=وحبرك أبمدح الدوسري ياقلـم شمـه
يفوح العطر بكتابتك مع صبا الانسام=هل المدح لهم المدح واللاش له دمه
سلامي لديرتهم واهلها سـلام اهيام=تحيات مشتاق اللقـاء طـاوي العمّه
وسلامتكم،،،
العرض الشجري