رحـلــــه إلـــى الـوادي >>> كتبتها أبيــــــــار

[أبــيـــار]

رحله إلى الوادي


قام معازيب منتدى العجمان إللي هم " بوفيصل و العجمان"
بدعوتنا إلى قضاء عطلة نهاية الأسبوع في مخيمهم الكائن في وادي العجمان
وطبعا حنا كأعضاء منتدى العجمان ماكذبنا خبر وشلينا شلايلنا للذهاب إلى مخيم المعازيب وكان الوعد على خط الوفره عند شبه رقم 1000وحطبه  يوم الاربعاء بعد صلاة الفجر >>> يالله صباح خير فازعين
وعند الساعه السادسة صباحا بدأت سيايير الأعضاء بالوصول واحدا تلو الاخر وطبعا البنات تجمعوا بالجمس الحمر بقيادة " أبيــار" >>> رازه نفسها الأخت
المهم وصل الموكب العجمي >>" اقصد اعضاء منتدى العجمان" واكتملنا تقريبا الساعه 7:30 صباحا وطبعا التأخير من البنات >>> عز الله ما يخلصون وهذا وهم قايل لهم بعد الصلاة
بدينا مسيرتنا إلى الوادي وطبعا في ناس اول مره تشوف الوادي >>> طبعا انا وبنت عمي اولهم 
وبالطريق جننتنا طف طف كل شوي تطفر كيفي هاجريه وبخووت وروووعه جننتهم وطبعا لعوزتني وماخلتني اعرف اسوق عدل المهم وصلنا إلى المخيم بعد عناء الرحله وجنون طف طف وكان المعازيب في استقبالنا وجزاهم الله خير كانوا مزهبين لنا الريوق السنع على كيفك كيفك يا ولد  >>>> إي هذا اللي همها
نزلنا ونزلنا قشانا من السيايير وسمينا بسم الله وطحنا على الريوق وطبعا القعده ما خلت من نقزات الثلاثي الكوكباني على البنات " كويتي وبوتركي وبوالوليد" >>>عاد نقزاتهم ماتخلص
وبعد الريوق قاموا البنات السنعات الظفرات بتنظيف المكان وتكفلت الشيف عزوف ومساعداتها بطبخ الغدا" همس وأبيار وبنت راكان وبخوت وطف طف ورووعه " اما " كويتيه وغزال البراري والسؤدد تكفلوا بالمقبلات والحلو بعد الغدا " بس كيفي هاجريه قالت انا مشرفه بالمنتدى ومشرفه عليكم هني >>> مالها خلق للشغل
وطبعا الشبيبه راحوا يلعبون طائره على مايخلص الغدا وكونووا فريقين وهم الفريق الأول بقيادة " بوفيصل" واللاعبيين هم " عادل الشمري والمميز وراكان اليامي وبو الوليد وبوتركي " والفريق الثاني كان بقيادة "العجمان" واللاعبين هم " تركي وسلطان بن جفن بوحمد الشامري و الجنوبي وآل محفوظ العجمي "
والحكم كــويتــي >>> امــحــق مالقوا غيره حكم
وطبعا المستشار نظرا لحكم السن ما يقدر يلعب لأنه شايب فخلوه معلق رياضي لأحداث المباراه لينقلها للبنات الظفرات اللي يصلحون الغدا 
انتهت المباراه وكانت النتيجه 100\99 لصالح الفريق الأول بقيادة بوفيصل والخسرانيين عقابا لهم يسوون العشا الليله 
وبعد المباره قام المستشار وأذن لصلاة الظهر وصلينا كلنا وبعد الصلاة الطباخه عزوف ومساعداتها خلصوا الغدا وهو عباره عن مفطحه >> من اللي قلبكم يحبها 
والمقبلات عباره عن تمر وزبد واطباق الحلو اللي بعد الغدا " كرثي ، وعصيده ، وقرص ">>> عزالله كبس على نفسهم ذا الغدا والحلو
وطبعا الغدا ما يكتمل إلا بوجود ملك السفره وهو اللبن الفريش اللي سوته مشكوره طف طف راحت حلبت المعزى وروبت اللبن وخضته >>> شقرديه هالبنت " إي يصير خير ان شاء الله
المهم البنوتات الحلوات زهبوا الغدا ونادوا الشبيبه ينطحون فالهم ، وبعد الغدا تعال عاد اسمع المدح حق الشيف عزوف ومساعداتها وبعد هالمدح الطيب من الشبيبه قامت كيفي هاجريه بمعاقبت بوتركي وبوالوليد وعادل الشمري وبوحمد الشامري وخلتهم يغسلون مواعين الغدا
اما الباقين تسدحوا بعد هالغدا الطيب وروحوا للتقييل عاد في هذه الأثناء البنات قرروا يسوون سباق بالبقيات والبانشيات عشان يزعجون النايمين >>> نحاسه 
بدا السباق الاول بين " عزوف واطياف وبخوت وأم ثامر وكويتيه والسؤدد" وطبعا فازت عليهم بخووت نظرا لخبرتها بالبقيات 
والسباق الثاني كان بين " همس ورووعه وبسمه وأبيــار وبنت راكان وغزال البراري" وفازت بهالسباق هـمـس >>> بنت عمي كيفي بفوزها 
والحين السباق النهائي الفاصل صار بين هـمـس وبـخـووت وقبل لا يبدا السباق جات كيفي هاجريه بعد ما انتهت من عقاب الشباب وقالت بشارك معهم ودخلت وياهم بالسباق وفازت عليهم بـخـووت >>> مثل ماقلنا نظرا لخبرتها السابقه بالراليات وصاروا يناونها بـخـووت شـمـاخـر >>>> لوووووووووول
وبعد السباق أذن العصر على صوت مؤذنا المستشار وصلينا وبعد الصلاة سوت لنا بنت راكان والمستشار درس ديني جزاهم الله خير بس كان درس مفيد الصراحه وبعد ماخلص الدرس استعدينا لصلاة المغرب وبعد الصلاة سوينا مسابقه ثقافيه نفس مسابقه اطياف اللي بالمنتدى وطبعا كالعاده فازووا الصبايا على الشباب .
وطبعا مانسينا فريق العجمان اللي خسروا " بـ كرة الطائره " ان عليهم العشا فقاموا بعد المسابقه للتحضير للعشا وقرروا انهم يسوون شوي >>> آآيباااااااااه شوي على الفحم وبالبر بعد، لالالالالالا وطبخت شباب بعد يسلالالالالالالام سلم 
وهم يجهزون لنا العشى أذن مؤذنا مناديا لصلاة العشاء وبعد الصلاة تعيشنا خووووووووش عشى
وطبعا بعد عناء يوم حافل بالاحداث كلنا دخنا وكل واحد راح يدور فراشه وين ، الشبيبه راحوا خيمتهم والبنات راحوا خيمتهم ، وفجأه الشبيبه سمعوا صوت صياح وصراخ من خيمة البنات وراحوا كلهم يركضون يشوفون شصاير "" ولا كويتيه لا قيه خنفسانه على فراشها واختلعت وقامت تصيح وطبعا البنات مع الخيل ياشقرا صاحواا وياها  ونظرا لخبرتي في صيد الخنافس رحت وشلتها وحطيتها على كشة طف طف عاد المسكينه >>> طبعا الخنفسانه ضيعت طريقها وماعرفت تطلع من كشت طف طف إلا بالغصب وبعدين قمت اقطها على البنات واسمعوا عاد الصراخ المهم ضحكوا علينا الشبيبه وراحوا خيمتهم وكلن نام إلا كويتيه إللي قامت توسوس وخايفه تنام بس المسكينه من كثر التعب نامت وهي واقفه >> لووووووووووووول
المهم قعدنا على صوت مؤذنا المستشار طبعا لصلاة الفجر قمنا صلينا وبعد الصلاة الشبيبه تكفلوا انهم يحلبون النوق والبنات ما عليهم الا يزهبون الريوق >>> طبعا بس تمر وحليب >>> بعد بدو وأهل بر لازم الطقوس هذي 
وبعد طلعت الشمس رحنا نتفقع لين جات الساعه 12:00 ظهرا ولا الشبيبه صايدين ضبان يقولون مشتهين كبسة ضبان على الغدا طبعا عزوف رفضت تطبخها هي ومساعدتها وحرمت عليهم استخدام قدورها >>> ماألومها لاعت كبدها 
المهم الشباب هونوا من الضبان عشان الصبايا لا يزعلون وسووا مثل غدا أمس مع زيادة الفقع اللي جمعووه الصبايا وبعد الغدا إللي راح يتمشى واللي قييل واللي على البقيات>>> وطبعا بخوت شماخر قامت تشيحط على البنات وتقول اعلمكم بس الفره الوحده بعشر دنانير >> مكسينه صدقت انها بخووت شماخر 
واللي راح يتفقع واللي دج بأرض الله الواسعه 
وأذن مؤذنا لصلاة العصر ومثل أمس درس ديني من المستشار وبنت راكان جزاهم الله خير ماقصروا ويانا وبعد صلاة المغرب قام شعار المنتدى يطربونا بأشعارهم الزينه وهم " تركي ، سلطان بن جفن ، كويتي ، همس ، اطياف "
وطبعا الشبيبه سووا رديه بس همس واطياف فتحوا حلقوهم مو فاهمين شي >>> لووول
بس امتعونا صراحه
وبعد صلاة العشاء قررنا الآتي وهو انا حنا نرووح نجربع >>> ونااااااااااااااسه أول مره اروح اجربع
وبعد ماجربعنا >>>> طبعا ماصدنا شي
ردينا المخيم والشبيبه سووا لنا عشى مثل البارحه كان ع جيييييييييييب 
وبعد العشى نويناها صباحييه " السهره للصبح" لان بكره بعد صلاة الجمعه بنرجع ديارنا.
والله وطلعت مواهب الشبيبه قاموا يرقصون فرينسي بس بدع فيهم كوول " إي صحت جانا هو ودمعة الوادي على العشى" بس توهقوا فيه ما يعرف يرقص وخرب عليهم الصف .
والبنات سووا صفيين الصف الأول بقيادة رووعه والصف الثاني بقيادة كيفي هاجريه وطبعا كويتيه فاتحه حلقها ماتدري شالطبخه ولا وين الله قاطها فطلنا لها مترجم وإللي هي دمعة الوادي >>> وطبعا بخووت قامت ترقص بالنص وإللي يشوفها على باله إنها تقحص ماترقص >>> ماعليه متأثره بشماخر الأخت صدقت 
ورووعه وأم ثامر وكيفي هاجريه تحمسوا وقاموا يرقصون وطبعا أبيار وبنت عمها واقفين يطالعون بس ما يعرفون يرقصون على الصفيين وطبعا كويتيه وياهم 
وتبرعت غزال البراري والسؤدد انهم يعلمون إللي ما يعرفون يرقصوون بس صراحه >>> بدعنا فيهم وجنناهم بس والله استانسنا
وبعد كل هالردح والأغاني طخينا وهجع المخيم وفجأه >>>>>>>>>>>>>>>>>>>>>>>>>
>>>>>>>>>>>>>>>>>>>>>
>>>>>>>>>>>>>>>>>
>>>>>>>>>>>>
>>>>>>
>>
>
سمعنا صووووت صــيـــحــه من بعيـــــــــد والبنات اختلعوا والشباب بعد الكل ما يدري شصاير ولا نشوووووف شي اســـود كـبـيــــر ضخـــم جاينا من بعيد ويصيح بصوت قوي >>> متنا من الخوف والمخيم انقلب صراخ وصياح وإللي ركب السياره وهج واللي راح يركض للخيام واللي مايدري وين يرووح المهم ساحة المخيم فضت ومافيها احد كلن منخش في مكانه خايف >>>>>>>>>>>>>>>>>>>>>>>>>>>
>>>>>>>>>>>>>>>>>>>>>>
>>>>>>>>>>>>>>>>>>
>>>>>>>>>>>>>
>>>>>>>>>
>>>>>>
>>>
>
وماخذينا إلا صوت ضحك وضحك بهستيريا ضحك مو طبيعي يوم طلعنا وشفنا شالسالفه ولا الثلاثي الكوكباني مسووين فينا مقلب " كويتي وبوتركي وبوالوليد "
بس شنو حقدنا عليهم بس الشباب ما قصروا ادبغوهم عدل وبردوا حرتنا فيهم .
والمعازيب لاعت كبودهم منا بس ارتاحوا يوم ان حنا بنفارقهم بكره 
كل يوم مخاسير ريوق وغدا وعشى وقاموا يقولون عزمناهم وتوهقنا فيهم >>> لوووول تحسفوا
المهم بعد المقلب هذا رحنا نمنا لنا ساعتين قبل صلاة الفجر اللي قرب وقتها واللي ما بغوا النوم قعدوا عند الضو وعلى هالقمره إللي تشرح الصدر وكلٍ يقصد بقصيده إلين أذن مؤذنا وصلينا ونمنا للساعه 10:00 الصبح وقعدنا نستعد للرده وقمنا نشل قشانا وشلايلنا وطبعا المعازيب متشققين عشان بنفارقهم >>> يقولون مابغوا 
المهم خطب فينا المستشار خطبة الجمعه وصلينا وردينا لديارنا واهلنا .

بس والله خووووووش رحله استانسنا فيها

بس عاد تدروون معازيبنا لزمووا علينا نجيهم مره ثانيه >>> مو من قلبهم بس عشان هي كلمه وتنقال

عاد حنا ماكذبنا خبر وقلنا الوعد الاربعاء الجاي حنا عندكم >>>>>>>> لووووووووووووووووووووووووووول



تحياتي

اتمنى محد يزعل مني خصوصا اللي ذكرتهم وحطيت عليهم
واللي ماذكرتهم ان شاء الله محد يزعل

واتمنى ان القصه نالت اعجابكم

واسمحولي طولت عليكم

[كويتي]

هاهاهاهاهاهاهاها

والله تعبتي حالش يا ابيار لو ادري هذي السالفه كنت صورت الرحلة بكمرت فيديو ونزلتها في المنتدى

تحيـــــــاتي لش يا غالي وتسلمين على هذى المجهود الواضح والمتميز

تحيـــــــاتي للجميع
كويتي

[أبــيـــار]

تسلم كويتي

والله ماطرى على بالي احط تصوير الفيديو

يالله المره الجايه ان شاء الله

تحياتي

[اطياف الماضي]

هههههههههههههههههههههههههههههه ابيار بس وش رايك ماكانت خوووووووووش رحلة

بس بخووووووووووووت صراحة شئ

خخخخخخخخخخخخخ

بس ماقلت وش صار يوم رحت احلب المعزززززززززة بلى جتني منها رفستن طيرتني ثلاث مترت اغمى علي حوالي نص ساعة بعدين تداركت الموقف ورحت قلت حالبتك حالبتك



لنا لقاء الاسبوع الجاي انتظرونا

>>> ماصدقت على الله تبي العزايم





تشااااااااااااو

[فيصل بن حجرف]

بس على فكره فريق ابو فيصل فازو بالغش داهنين سير الحكم

بعدين ترى معاد فيه مره ثانيه انا يوم الاربعاء معزوم بعيد

كيف ابوفيصل اذا بيتكفل بروحه بالعزيمه


مشكوره خيتو ابيار على القصه اللي من جنبها



تحياتي

[أبــيـــار]

اي نسيت هالمقطع ياطف طف بس يالله انتي ضفتيه

تسلمي خيتوووه

[أبــيـــار]

لا يابابا مو كويتي اللي يندهن سيره >>>>>>>>> اي يصير خير بس ترقع له

اي وانت روح الله وياك حنا خلاص دلينا طريقنا لللمخيم >>>>>>> لووووووووول نشبه

تحياتي شاكرتلك مرورك

[كويتيه]

لووووووووووووووووووووووووووووووووووووووووووول



والله ابيار الحين اقعد اهلي من الضحك لووول اولله روووعه تهبل القصه... والله عيوني قاموا يدمعون من الضحك خصوصا على سالفه الرقص هذي عجيييييييييييييييييبه.. والله تنفعين تصيرين حبابه.. والله قصه روعه وعسل.. تسلمين يا الغاليه..



بعدين انا جني ستانست وابي بعد رحله..

[كويتي]

انا ما يندهن سري ها تر ولد عز لا يغركم

[هــمس المشــاعر]

ههههههههههههههههههههههه

وااااااااااااااي ذكرتينا بالطلعه كانت خووووووووووووش شي

اما طف طف كانت سالفه ثانيه مع الناقه هههههههههههههههههههه

خطاج السو والله انها ماتسوي عليج >>>لووووووووووووول

اما سالفة الضبان امحق طبخه اشوه انهم ماسووهااااااااااااااااااا

بس احلا شي يوم كنا بالجمس ههههههههههههه ابد تقولين علبه سردين

المره الجايه الاربعااا انشالله نروح في بااااص ابو تركي لانه تخصص باصااات
هههههههههههههههههههه

اشرح وناخذ راحتناااا

واهوا اللي يسوق صراحه دخنااا وابيار تسوق فينا >> قلبت عليهاااا

كلا تقحص وتبتون يمين ويسار احولينا اعوذ بالله

يسلموووووووووو حبيبتي ابيار والله مت من الضحك وانا اقري