مات فايز ابن هذيل والسبب نخوة وحيشه

[زيزوم شمر]

هذي سلمكم الله قصة وحيشه الغزاليه...........والغزالات محلف يعني حلف تحالف مع شمر

ويقولون سنه من السنين كان وحيشه تسرح بالغنم وضايقووووها السواريح على فيضه كانت تسرحبه

.....وضاقت به الوسيعه لاتقدر تردهم ولاتقدر تسرح بالغنم وتخلي غنمه ترعى........ويوم صكت به الدنيا

قالت مالي الا فايز ابن هذيل كساب الامداح يفزعلي ويفكن من هالبلايا......وفايز ابن هذيل من ال عمود من شمر


ويوم نخته وحيشه كان موجود بنقرة ايوب في الجزيره....


عقب مارحل من حايل بسبب المحل وقلة المطر..........وفايز ابن هذيل بليه من البلايا مايهاب الموووت ولايناطح...

قصدت وحيشه به القصيده وارسلت مرسال الى فايز ابن هذيل يوصل القصيده له


تقول وحيشه..



ياملا ليه ماشيب الشيب # انا اشوفه على قذلتي لاح


يا فايز ابن هذيل ياغيبة الذيب# ياعقاب مرقاب على مذرف راح


ياراكب حمرى تجيبه تحاذيب# تجدع يدينه بالخلا تقل زناح


حمرى هميمن من خيار المناجيب # اكواعها عن لمست الزرو طفاح


حمرى ليا مشت بروس العراقيب # اسرع من الشيهان لاشاف ملواح


ركابها من عزوتي منقع الطيب# ضد الحريب ان صاح بالنزل صياح


اربع ليالي صدق ماهي تكاذيب# تلفي على ابن هذيل كساب الامداح


قل ديرتك سقف ياذعار الاجانيب# يضوي عليه من الشعب كل مصلاح


جاني ضعنهم مع دبشهم جناديب # وصار الخطر منهم علينا بالارواح


عجل علينا ياحصان الاطاليب # يالي مركاضك على الخيل مسراح


من خشم عرنان لريح تقريب# حامينها العصلان في عيط الارماح




ومن حايل لنقرة ايوب لاهي اربع ليالي ولاشين......الا تاخذ شهووووور ......المهم وصل المرسال لفايز وقصد القصيدة

ويوم قضى من القصيدة قام يتلفت فايز ابن هذيل وصكته الحميا ياربع مايمدينا الليله نطب بحايل قالوووو وينك

وين حايل يبيلنا ايام وشهور........قال لا لاتقووولون الا هي .........فار دمه والحميا صكته.....

قصدت هالبيتين الي عقبها مقال شين...




وش هقوتك مداد من نقرة ايوب************ياربع مايمسي حوال الغزاله

فوق اشقح طلق الذراعين مرعوب**********اسبق من الشيهان معلف عياله

يــذكــــر لنا جو المناعير مطبوب***********سقف ليا من النصي طب جاله


وحط راسه على شجره عوشز ومات قهر ( فايز ابن هذيل من زهيد شمر )

درهـــــم الشــيــــخ والـــزهـــيــــد يـــتـــــلونه (الصايح) حـــلو قــفــو الــطنــايا صوت فــرحــــاني

[عبدالله العبيد]

لا هنت طال عمرك يا الشمر

[التاجر]

أحسنت يا زيزوم شمر على هذه القصه المعبره
وننتظر منك المزيد
---------------
مع تحياتي

[عيد بن شدقان]

والنعم بشمّر




ولاهنت


يازيزوم
والله يعطيك الف عافيه

على ما اورت لناا

[الاحرش]

لاهنت يا زيزوم شمر على هذه القصه المعبره



وننتظر منك المزيد

[زيزوم شمر]

ما عليكم زود يالأجواد


وهذا من طيبكم وانشالله ما نجيب الا السوالف اللي يتنومس بها الرجال

اخوكم الشمري لكم خير سند وعون