ضـيـــدان بـن قـضـعـــان و يـاوجــودي

[м8ąĐїṜ]

السلام عليكم

مســاء النووووووووووور..










لكم قصيده للشاعر / ضيدان بن قضعان

ياوجودي كل ماهب نسنـاس الشمـال =وجد من حدّه زمانه على اللي مـا يبيـه
وياوجودي كل مااغفيت ثم مال الظلال=لاغفت عينـي ولاذقـت شـيٍ مشتهيـه
وجد من قفّى وهو في رجا كلمة تعـال =والتفت من عقب مااقفى ولحدن لـدّ فيـه
وياعذابي لادنا الليل من روس الجبـال =وانتهى يومٍ من العمـر ماعـاد ارتجيـه
وانتي ابعد من سما الحلم ووصالك محال=يابعد من هلّ دمعي ضحى الفرقـا عليـه
ياغناتي لاتحسبين دمعـي يـوم سـال =ضعف والاّ خوف والاّ كـذا والاّ كذيـه
والله اني من رجالٍ يضـدون الرجـال =لكن الحظ الـردي سـاق دمعـي كلبيـه
ووالله اني كل مـادار حوليـك الجـدال =قمت كن الموت يشر على قبـري يإيديـه
ووالله ان قد لي وانا اصد لاجالك مجال =صدّت اللي لاتضايق تذّكـر قبـر اخيـه
ومن سألني قلت مدري واذا عاد السؤال =قلتله تكفى سؤالك تـرى ماهـو وجيـه
وش تبيني اقول عماََ ترى ذبحي حـلال =والخطا منها علي صرت احبـه واهويـه
عذرها لو ماتعذر مثل واضرب مثـال =واحدن مايعرف الحر الأشقـر يشتويـه
وان رجعنـا للتواصيـف لله الكـمـال =لا انتهى ليـل المزاييـن جاتـك تبتديـه
كنها غفلٍ مع البـدو طاويهـا الحيـال =ما يميز وصفهـا الاّ نبيـهٍ مـن نبيـه
واهني اللي وصلها وذاق امـن الـزلال =رشفةٍ مع غفلة النـاس مـن فيهـا لفيـه
واعزتي للي سواتي عشق ما لا يطـال =ويوم طاله ضيع الحلم بين أمـه و ابيـه
يااول احلام الطفوله على حـد الخيـال =الرجا بللي حمى البيت من حملـة بريـه
حال دونك سيف عنتر وتاسع حول حال =باثر حولٍ حال دونك وانا ادعي هيه هيه
هيه يللي غرك الحسن واطغاك الجمـال=والله ان اموت ماشفت لاوصافـك شبيـه
لو يسام الحسن والتيـه بجنيـه وريـال =مابقى في سوق غيرك لا ريال ولاجنيـه
كيف اهدك للمقابيل وانتـي راس مـال =راس مال ومال والماال مايعطى السفيـه
حافظك حفظي لعيني ورمشي لك جلال =وانتي تشحّين بالمـا وانـا شفّـي مويـه
شايفن ظلمك وساكت وطال الليل طـال =لاتركتي طعن قلبي وانـا ماقلـت ليـه ؟
لو بقا للهيل صبرن على فـوح الـدلال =مابقى للقلب صبرن علـى شـيٍ يجيـه
كنت احسب ان الغلا زال واثره لايزال =في الحشا ماكنه الا دخيـلٍ فـي وجيـه
ساقني حبك على الموت وسنيني هـزال =والظروف اقسى من الظلم للعرض النزيه
وانتي تسوقين عقلي على حـد الهبـال =تحسبين ان من بغى شي يقـدر يشتريـه
والاّ انا ياوجد حالي وجـودن مايقـال =وجد من ضحى بغاليـه لرضـا والديـه
وياوجودي يااول العمر قبل ألبس عقال =وجد من باع آآخر العمر في رغبة ذويـه
وياوجودي كل ماهب صوتش من شمال =وجد من حدّه زمانه علـى اللـي مايبيـه

وسلامتكم

لـــكــم ودي وتقــديري

[ناصر بن حمود]

عزيزي " بــركــان " السلام عليكم و رحمة الله و بركاته

كل الشكر و التقدير لك على نقل هذه القصيده الرائعه

و صح لسان الشاعر المخضرم " ضيدان بن قضعان "



تقبل خالص تحيتي و تقديري لك و للجميع


ــــــــــــــــــــــ

[فيصل الخالد]

السلام عليكم ورحمة الله وبركاته

الاخ العزيز بركان

نعم هذه احدى درر الشاعر ضيدان ابن قضعان

والتي صاغها باحساس مرهف وقلب مفعم باالحب

كل من يسمعها يعرف انها من وكالة ابن قضعان

سلمت اخي بركان وصح لسان شاعرها

[دندونة الكويت]

صح لسانه الشاعر ضيدان

تسلم والله اخوي بركان على القصيدة الجزله

عساك على القوه

[شرس]

صح السان الشاعر ضيدان بن قضعان
بركان
اختيار رائع
ولاهنت يالغالي على القصيده المميزه

والله يعطيك الف عافيه

[عبدالله بن ذروه]

أخوي ((بركان))


لاهنت على هذه المشاركة الطيبة

لاسيما أنها قصيدة لعملاق من عمالقة الشعر في الخليج العربي

صح الله لسان الشاعر ضيدان


تقبل تحياتي

عبدالله بن ذروه

[المنشار]

وياوجودي كل ماهب صوتش من شمال
وجد من حدّه زمانه على اللـي مايبيـه


لاهنت يابركان علي نقل مميز وصح السان راعيها




المشار

[الاحرش]

صح لسانه الشاعر الكبير/ ضيدان بن قضعان

ولاهنت اخوي بركان على القصيدة الجزله

[سمـــوم]

صح لسااااااااان ابن قضعاااان ويسلمووو بركااان اختيار موفق

[مــقــبــل]

البركان
لاهنت على النقل الرائع للشاعر الكبير ضيدان بن قضعان