سليمان بن شريم شاعر قديم إشتهر بشعر الغزل وهذه إحدى قصائده المشهوره أضعها بين أيديكم
ياونتاه اللي برت جسم حالي.....بري الدبا نبنوب غصن تغشـلاه
على عشيـر بالموده صفا لي .....وازريت أنوش حماه وانا اتعداه
غرو جبـينه مثل خـط الهلالي .....سبحان رب صـوره ليـن سـواه
وحيـاة رب كمله بالجمـالي ......من مفرق الهامه إلى حد ماطـاه
انه منول وامس واليوم غالي.....واتلى زمانه بالغلا مثل مبـــداه
ماله حلي إلا مـودة عيـالي ......اصغر عيالي بالغــــلا كنــــه إياه
لا ابطيب ماشفته وهو ماعنالي....عفت المكان اللي يغيظه ويجفاه
لو دلهوني عنه مانيب سـالي .....اشفق على شوفه واهوجس بطرياه
شوفــه دواي وقل شوفه زوالـي......حكيم طب جامع داه ... ودواه
حقه على إلى تزخـرف قبـالي.......ابعد مزاره بالهــــــوى واتمنـاه
وحقي عليه إلى اعترض له مجالي.....يصفح ويلقاني على الطول والقاه
مابه من العذروب عنق الغزالي......إلا الزمان اللي حداني وعداه
ريقه حلا من در عفر متـالي.......لا روحن من مدفق سـال مجـراه
هبي بريحه ياهبوب الشمالي......كود الجنوب ومطلع الشمس تنصاه
عبث صبيت لعشرته من صبا لي.....سجلي بنجله والــــموده مجازاه
ياما وياما فرقتــــنا الليــــالي.....نجع مقيم وفـــــرق البعد لامـــــاه
أقفت مراحيله وانا اقـفت رحالي....خليت مداهيـــله وعميـــت ركاياه
وخان الزمان بعشـرته والتوالي.....ورثت من يصــفق شماله بيمناه
وعضيت بسرة شاهدي من هبالي ......وونيت ونة من نقل داه برداه
هني دحـش دب الايام سـالي.......ماولعه طرد العماهيــج واغــــراه
ولا صلاه من التصاريف صـالي.......وذاق الفراق وتاه مثلي بمسراه
ياطول ماطاوع نسيم الهوا لي......من قبل يبدي لي من الوقت مجفاه
واعتظت من عقب الجديد السمالي......ولا ينفع الفايت ولو قيل محلاه
ليتي قريــب له وبيتــه موالي.......والعلــم من بينــــي وبينـــه مناجـاه
ان كان له بمواجهي مثل مالي......وقلـبي معه يــبراه والهم يبــــراه
وإلا تراني عنه طاون حبــالي ......يلقـــى وانا القـــى واحد كنـــه إياه
مانيب من يتبع خفــيف الخيالي......إلى تحـدر بــارقه عـــفت مرعـاه
هذا وصـــلوا عد رمل السهالي ......على نبـــي شيع الديـــن واحياه
وآله وصحبه كلهم بالكمالي......واللي تبع سنــــة نبيــــــــــه ومجراه
14-09-2006, 07:15 AM
العرض العادي
