اتمنى ان تعجبكم هذي القصيده للشاعر محمد جارالله
يضيق صدري كل ماهبـت علـي مـن الجنـوب=نسايـم مامـلـت طعـونـي وقلـبـي ملـهـا
وارقى علـى مرقـاب حزنـي واتحـرا للغـروب=وامسـك جدايـل هالحيـاة المـدبـره وافلـهـا
واشوف وشلون الليالي تـدور فالوقـت اللعـوب=واجمع مسائـل هالبشـر فـي دفتـري واحلهـا
والعن ابو الحظ الردئ واستغفر المولـى واتـوب=واقول يالله انـك تعيـن مـن صبـر ثـم شلهـا
ويا(سعود) قرب لي مادام الوقت والعمر محسـوب=واسمعي ياخوك ابيات من جوفـي نويـت اتلهـا
لاصارت الدعوه ما بين ضلوع صدري والهبـوب=بقولهـا والـي عقـد روس الحـبـال يحلـهـا
وش عاد نرجي من زمن صارت به اكبر الذنـوب=انك على الباطـل سيـوف الحـق تنـوي سلهـا
اسلامك اصبح متهـم والنـور غيـب ومحجـوب=دروبـهـم ياكثـرهـا ودروبـنــا ياقـلـهـا
خوينـا تصـلاه نـار الكفـر ونشوفـه يــذوب=وحنا نترجى من عجـوز الغـرب ترهـي ضلهـا
لاعـاد بـه فزعـه ولاغيـره وحيلتنـا يـادوب=نسجـد ونستنكـر عساهـا تنسمـع او علـهـا
صار التنافس بالطـرب مـن اولويـات الشعـوب=الغانيـة اصفـق لهـا والراقصـه اطبـل لـهـا
والموضه تحاصر تقاليد العرب مـن كـل صـوب=تفـوح دلتـنـا زعــل واعوانـهـم تزلـهـا
والكل منـا يشـوف نفسـه للتخـاذل مغصـوب=وحلوقنـا ميتـه عطـش يالله طلبـتـك بلـهـا
يالله ستـرك مـن علـوم فـي خواطرنـا تجـود=رحـمـاك عليـنـا دقـهـا مـــع جـلـهـا
ويا(سعود) خذها من النمط حكي على لسان القلوب=بربـع نصايـح لحياتـك ياعسـى توصـل لهـا
المرجلـه هـي البلـد وافعـال يمنـاك الـدروب=والأدمـي يولـد غـريـب ولا تسـنـع دلـهـا
والكايـده تبغـي ولـد مهـو بطمـاع وكـذوب=والرابـح الـي نفسـه لـربـه قــدر يذلـهـا
وترا الكـرم عنـد العـرب يغطـي الاف العيـوب=وانك بخيـل تسـاوي عيـوب العـرب ذي كلهـا
واحذر تحسب ان كل بير بدنيتك به مـاء شـروب=واذا تجاهـلـت الـعـواذل بتـمـوت بغـلـهـا
وانـا بـودع راس مرقابـي اذا حـل الـغـروب=وبقول يالله انـك تعيـن الـي صبـر ثـم شلهـا
العرض الشجري