[[ يافهيد عطني من بكيتك زقاره ]]

[عجمي في لبنان]

السلام عليكم

مساكم الله بكل خير ,, ومبارك عليكم ماتبقى من الشهر الكريم

يافهيد عطني من بكيتك زقاره=خلص بكيتي من كثير احتراقي
يالعنبو من راح عمره خساره=واتلا حياته كل ابيها مشاقي
لا فاد علم ولا تفيده تجاره=والحظ مايل مابقت له بواقي
اقبل ظلام الكون وادبر نهاره=وباعتني النجمات يوم التلاقي
قال الوداع وشب قلبي بناره=لا عادك الله يانهار الفراقي
مسكت يده طالبه في قراره=وقف وفكر لا يحل الشقاقي
واقفا وخلاني وطاح اعتباره=وعديت عقبه نايفات المراقي
وجريت طاروق الهوا بأحتضاره=ليته يشوف شلون دمعي يراقي
وينه يشوف الحال عقب اندثاره=والشوق يحرق داخل الصدر باقي
ياليت يبرا كسرنا بالجباره=وياليت مايقفا المحبه افراقي
اقفا على رايه ورايه دماره=ليته مثل قلبي بقلبه يساقي
هذا طريق الحب هم وخساره=ومن لامني بدموع عيني يعاقي
مرات ينبت في خفوقك خضاره=ومره تشيل اهموم وما لا يطاقي

وسلامتكــــــــــــــــــــــــــم