الددســن . !

محمد بن سعود · #1 20-10-2006, 02:12 AM

السـلام عليـكم

تحية معطره بالورد والكادي

سبـق وإن قريتو وصـف فـ المواتر

ولكــن !

فـ الجيـب / أنواع المرسدس / وجميـع السيارات

الفخمـه

لكـن هالشاعر يـوصف

(البيـك اب)

إلا وهـو / الددسن

لكـم هالقصيده

وأرجو أن تنال علي أعجابكم

وصفـوا قبلـي شواعيـر القصـيـد=مرسدس ،فكسار ، رنج ، ودوج ، هاف
بـس انـا بوصـف الشـي الزهـيـد=حشمـة ٍ للـي مخابيـهـم خـفـاف
لا عمايـر لا قـصـور ولا رصـيـد=ولانعيـم بحضـرة الدنـيـا يـشـاف
مايشيـل اقدامـهـم غـيـر البلـيـد=لـو تدّفـه قـدّم يرجـع بـك خـلاف
سرعتـه مشيـة صعيـدي فالصعـيـد=لامشـى تـومـيّ يديـنـه بلتـفـاف
لـون واحـد ماطلـع غيـره جـديـد=صاحبـه يّغلـط (بخيّـه) فالمـصـاف
صـوت شكمانـه مثـل كحـة مريـد=لآحقـه مـن زاده المخـزيّ جفـاف
زيـك لستـك والبـدي كنـه حـديـد=مخطـر ٍ تقلّبـه لاهـبـت شـعـاف
كـن وجهـه لا نطحتـه مـن بعـيـد=وجهه فاطر عاشـت السبـع العجـاف
شكـل صندوقـه عسـى فرقـاه عيـد=مثل تابـوت النصـارى لـه حـواف
ميزتـه فـي حـر والاّ فـي جلـيـد=(زيتّـه) اللـي فيـه ماجـاه اختـلاف
وراد النيـسـان مـازبـنّ طـريــد=مركـب عيـال الطفـارا والضعـاف
اسمه (البيـك اب) فـي طبعـه فريـد=ضد شمـس وبـرد يجحـد مايعـاف
ماتمنـى طارتـه ممـسـي وحـيـد=موعده مـع شيخـة الزينـات طـاف
الفقـر والوقـت والـحـظ العنـيـد=سببـوا زحمـة وجــوده بــالألآف
مالكـه لامـات مـن (ظيمـه) شهيـد=(مـدّ رجلينـه علـى قـد اللّـحـاف)

لـ الشاعر / فالح بن راشد آل حثلان السبيعي