|
عليك الله واكبر وانت حكمك شريعة غاب$$تجيب الطعون وتجرح الخافق وتدميه
السلام عليكم
قصيده للشاعر حمد السعيد
دخيل الغلا اللي راح واللي وقف مرتاب=مايسميه عشقٍ وانت مدري وش تسميه
ودخيل العيون اللي عليها الحلا جذاب=تشوف الولع فيهن ولاتدري شتاليه
ودخيل المكان اللي جمعنا ولاهو اعجاب=اذا لي معزه طاري البعد لاتطريه
لو تشوف وضعي عند ماتلتقي الاهداب=لك الله لو لك نيّةٍ بالجفا تلغيه
انا وانت غايب كن وسط العيون تراب=تنام الخلايق ولا انا النوم مالي فيه
ذبحني غلاك اللي سرا مثل سم الداب=طفح بالعروق وكل ما وافقه ينهيه
بقا قلبي اللي ماذبحته وهو منصاب=انا ادري تبي تستوطنه يومك تخليه
سكنته وهو عمره قفل بالوجيه الباب ؟=انا اعرف قلبي لاعشق لارحم واليه
يجي كله من اقصاه ويحب باستغراب=وفا فيه ماهو مع بشر ليتك تداريه
ترفق على قلبٍ تلوّع بك ولا تاب=تَعذّب والامنه نوى البعد مايمديه
تمكنت به حيث الولع مثل غرس الناب=مصيبتك تدري بس ليه المفارق ليه
ودخيل الجمال اللي تلافت له الارقاب=وانا اللي لفتني زينك وجيتك مباريه
تمعنت فيك وجيت هايب وانا ماهاب=ولااقفيت عنك الا وانا هالغلا معطيه
عليك العيون اللي لهن فعل غزو عقاب=ضعيفات خلقٍ بس ياويل من تنويه
ولك نور وجهٍ كنّ لك بالنجوم انساب=وليلٍ عجز من طوله الكف لايسريه
ولك مبسمٍ ماكنّه الا شفق الغياب=حَمارٍ من الله جمر من ولعه ناسيه
عبث وانت مقبل تستفز وتثير اعصاب=تبي تلفت الانظار منّاك لي منّيه
وعبث وانت مقفي تاخذ وتكسر الالباب=عبث جاهلٍ توه مشا فبيت من يغليه
دخيلك على بعضك ولاهيب دعوى عتاب=تعيد النظر فالبعد من قبل لاتبديه
عليك الله واكبر وانت حكمك شريعة غاب=تجيب الطعون وتجرح الخافق وتدميه
وانا اموت فيك وصال واموت فيك غياب=وهي موتةٍ وحده مع فارق التشبيه
من قال مابه موت بالحب قل كذاب=جميل وبثينه ماذبحهم مرض ياهيه
احبك ومن حبك خسرت اغلب الاصحاب=اذا عاتبوني فيك وعتابهم مابيه
واحبك ولاتسأل حبيبي عن الاسباب=انا لو اعرف اسباب حبك قدرت انهيه
الا يامعرض رجل مغليك للمرقاب=اثر بالطوال تفرج الهم يا راعيه
انا بسألك هوّا صحيح الهوى غلاّب=انا بنصح اللي مثل شراوي لايمشيه
ومن لايسحب بالهوى للفراق حساب=لك الله ما غنّى سلامه يبي يغنّيه
مثل هل دمعي وانت رايح وطرق حجاب=ومثل ما رمى عبدالحليم الزهر يرميه
واذا فيه بكتاب النحو للفراق اعراب=فهو فعل مطلق بالبشر والجفا ماضيه
الا ليت ربي ماخلق فالغرام غياب=واذا فيه فرقا طاري الحب لا نطريه
وسلامتكم
__________________
مانيب لا مغرم ولانيب مشعوف=وماهوب يرضي مطلعي مارضو به
اغلي بدون حدود ولا ارخصت ماروف=لاضاع صدقي فالقلوب الكذوبه
تقدر تقول اني معقد ومكشوف=عيبين وابن آدم يا مكثر عيوبه
|
العرض الشجري