لو فتشت دروج بوش الأبن حصلّت الوثايـق=وإن فتشت دروج بوش الأب وش تقدر تشيله

[ابو ياسر 5]

***



***




***




***

ماعرفنا طيرإبن برمان وش فيـه إمتضايـق=كل طلعت شمس بين الناس يومي في شليله
فوق من نومك لكان إنك يا مسلم مأنت فايق=وإعرف إن الموت حق وسفرتك سفره طويله
أنت أشوفك من ثلاث سنين فكرك غير رايق=لا تدل الدرب زيـن ولا تـدوّر لـك دليلـه
لو تسابقنا على وارد عراوي مانـت سايـق=ما يسوق السكسويل إلا سواويـق التريلـه
وكان تبي النصح لا تدخل يدينـك بالحرايـق=والخيال إليا تعدى عنـك لا ترجـع تخيلـه
الزمن محسوب بحساب الثوانـي و الدقايـق=وكوكب البريّت ما يحسب مثل نضح الثميلـه
والمعره ملك للنعمان لـو مـا لـه شقايـق=وملك شمر من جبل سنجار لحدود الرعيلـه
لو فتشت دروج بوش الأبن حصلّت الوثايـق=وإن فتشت دروج بوش الأب وش تقدر تشيله
من كتاباتٍ عن التاريـخ بعصـورٍ سحايـق=والعصور الحاضره مالك بهـا حيـلٍ وحيلـه
الجدي ثابت على مـر الليالـي مـا يوايـق=مثل نجم سهيل لا منه طلـع خمسيـن ليلـه
لا تحاول تعكس التيّـار وتعكـس الحقايـق=المسافه بين قطبين الفضا مـا هـي قليلـه
ما يفرقنا عن الويـلان يـا غيـر البطايـق=ابك حنـا دولتيـن كبـار بمسمـى قبيلـه
وأبك حنا كاملين الوصف في كـل الطرايـق=كاملينٍ بالكرم والطيـب وسيـوفٍ صقيلـه

[الاحرش]

صح لسان شاعرها


ولاهنت


اخوي / ابو ياسر ه



على النقل الرائع

[فلاح بن ملبز]

ارحب يا ابو ياسر

وصح لسانك ولسان شاعرها

ويعطيك العافية على هالنقل الجزل

بس ما علمتنا من شاعرها ؟؟

ولاهنت

[الــحـشـاشـــه]

ما يفرقنا عن الويـلان يـا غيـر البطايـق
ابـك حنـا دولتيـن كبـار بمسمـى قبيلـه
وأبك حنا كاملين الوصف في كـل الطرايـق
كاملينٍ بالكـرم والطيـب وسيـوفٍ صقيلـه



صح لسااان شااعرهـــااا

لاهنت يا ابو ياسر على النقل الطيب وسلمت يمـــنااك


تــــقــــبـــل تـــحـــيااتـــي

[ابو ياسر 5]

الاخوه الكرام مشكورين والله يبيض وجيهكم

[تركي المري]

ما يفرقنا عن الويـلان يـا غيـر البطايـق
ابـك حنـا دولتيـن كبـار بمسمـى قبيلـه

بوياسر صح ألسانك

ونعم بشمر وعنزه وكلاً فيه حقه


تركي المري