البارحه كن الفضا غرفه انعاش .. وانا المريض الي حياته كسيفه

نسل الطويل · #1 27-12-2006, 10:27 AM

السلام عليكم

هذي قصيده اعجبتني فقلت انقلها لكم وانشاء الله تحوز رضاكم

البارحه كن الفضا غرفه انعاش = وانا المريض الي حياته كسيفه
والهم ذيب(ن) للمعاليق عراش = والقلب شيخ (ن) واعظم الحزن ضيفه
واليا نشدني واحد قلتله ماش = مابه جديد (ن) للقديم بنظيفه
يا ليتها ضيق(ن)بالارزاق واعتاش = اعتاش لو ما القا بعمري وظيفه
ويا ليت السبب حب (ن)للاطراف رعاش = كم وليف(ن) ما حصله وليفه
مير البلا لا شفت للدين نهاش = من النفوس الحاقدات الضعيفه
ومن عادني لا جبتها جبتها كاش = والي زعل يزعل على كيف كيفه
هذا جواب عاجل لطاش ما طاش = يخزي وجه ناصر ويخزي حليفه
وانا اكبر الصوره بتفكير حشاش = لاهل القلوب الطاهرات الشريفه
لاعاش من يشتم هل الدين لا عاش = ولا عاش من يشهر على الدين سيفه
ذولا هل التوحيد يالغادر الغاش = ريفك وريف الي خذا الوقت ريفه
قلوبهم بيضا وابيض من الشاش = وافعالهم عند المعادي كليفه
ذولا رجال الدين يا كلب الاحواش = الله مكرمهم بمله حنيفه
والا انت ضايعبايع الدين ببلاش = بصيرتك بين البصاير كفيفه
بكره لا جتك المنيه على فراش = ومرت حياتك قدم عينك عصيفه
وحسيت في روحك تراقى مع الجاش = ودموع عينك فوق خدك ذريفه
عرفت بانك مرتكيلك على قشاش = وانك ظلمت اهل القلوب النظيفه
في وقتها مالك من الموت منحاش = بيحاسبك راعي العدل والنصيفه
ولحد(ن)مرمش لا توفيت برماش = جيفه ومن يبكي من الناس جيفه
ان عشت يا خفاش وان مت خفاش =ما يفقدك غير العقول الخفيفه
واختامها مانيب جايك برشاش =لانا بحكم اهل السيوف الرهيفه
مير افهم الموضوع يا طاش ما طاش = واترك تفاهات اليهود السخيفه

وسلامتكم

للشاعر نايف العتيبي

عيد بن شدقان · #2 27-12-2006, 12:43 PM

صح السان الشاعر/نايف العتيبي

ولاهنت

يانسل الطويل

والله يعطيك الف عافيه

نسل الطويل · #3 28-12-2006, 01:30 AM

يا مرحبا يا بن شدقان

واشكرك على مرورك الكريم

الــحـشـاشـــه · #4 28-12-2006, 01:44 AM

والهـم ذيـب(ن) للمعاليـق عــراش والقلب شيخ (ن) واعظم الحزن ضيفـه
واليـا نشدنـي واحـد قلتلـه مــاش مابـه جديـد (ن) للقـديـم بنظيـفـه
يا ليتهـا ضيق(ن)بـالارزاق واعتـاش اعتاش لو مـا القـا بعمـري وظيفـه

صـــح لســان الـــشاعــر / نايف العتيبي

وسلمــت يـمناك يا نــسل الطويل على الـــنقل الطيب والاخـــتيار الرائــع والمميـز

لاهنــــت

تــــــقـــــبل تـــــحيااتــــــي