وصلك يخيـط الصدر..والبعـد يفريـه(ويابري حالـي كـان صديـت بريـاه)

[عيد بن شدقان]

السلام عليكم


هنا قصيده لشاعر مبدع ودائما يتحفناا بماهــــو
جزل ونتمنى له النجاح والفوز في شاعر المليون

ماهـو بكفـو الوقـت حبـك يمحيّـه=ياللـي تخـاف صـروف الايـام تمحـاه
ارتـاح ..مـادام المـواصـل يقـوّيـه=انت انت..وانـا انا..وقلبـي هـو ايـاه
حتـى ولـو بتغيـب ذكـراك تكفـيـه=ياواحـدٍ تكفـي عـن النـاس ذكـراه
حبـك علـى رملـة خفوقـي مواطيـه=ورياح عذلني عنـك مـا تمسـح خطـاه
واللي يعذل القلـب عـن درب غاليـه=الله بـمـا يـبـلا الموالـيـف يـبـلاه
اخفيـه يابالفيـت والـحـال يبـديـه=ادنـاة واحـد ينظـر الحـال يـقـراه
مخفيـه فيه..ومعتـنـي ٍ به..وحامـيـه=مـن كـل عيـن ٍ ودهـا تنـزل حمـاه
قلب ٍ يحبـك والهـوى الـذرب ماليـه=كانـك مكذبنـي ؟؟ بعينـك تـحـلاه
شـرط ٍ تشوفـك فيـه منـت بحواليـه=ويمكن تشـوف ديـار واماكـن ارعـاه
وبتشوف بـه تمثـال والوقـت هاريـه=وبتشـوف زرع ٍ ميـت وواقـفٍ مـاه
وبتشوف جـرح ٍ فيـه سكيـن راعيـه=راح ونسـى السكيـن والجـرح ينخـاه
وبتشوف حصن ٍ عـج الاقـدار سافيـه=وبتشـوف باقـي بيـت راعيـه خـلاه
لا تنـزعـج هــذا خفوقي..وباقـيـه=ولا تضايـق مـن تِـصِـدِّع زوايــاه
قـد زلزلـه فرقـا وهـزت عـراويـه=والله ستـر والحـظ عـانـه وعـافـاه
وكانه صلح لك واعجبك زيـد تِبَنيـه؟=ابـنـه وجـهـز للمقابـيـل مبـنـاه
ابغيـك بـس مـن المفـارق تـداريـه=(وازهل من يـداري شعـورك ويـدراه)
و(حلل وحـرم) فيـه ياابـرك بلاويـه=وحلّه وراع رضاي..ورضـاك.. ورضـاه
جعلك بعد بعض الوجيه..امحـق وجيـه!=نـاس ٍ مراتعـهـا الرفـيـق بتقـفـاه
انواع..واخطـر نـوع مانـي بناسـيـه=نـوع ٍ علـى تفريـق الاثنيـن مسعـاه
تلقـاه دوم..وكـل يــوم ٍ تلاقـيـه=والـى بغيتـه صـدق مـا عـاد تلقـاه
ولا انت ردك كل مـا ادعيك..((لبيـه))=انشهـد ان منتـوا بفـي عينـي اشبـاه
منـت بمـع العالـم ولا تقـول لي..ليـه=انت ادرى منـي وش جوابـي وفحـواه
كذيـه..ومـن الله يـازيـن والـيــه=واغلا طـروش القلـب ودواه مـن داه
الحـلـم ياتيـنـي بزولك..واراعـيـه=وفي كـل حلـم اقـوم قبـل (اتحفـاه)
اعشـق سميـك فـي البزاريـن وادعيـه=واقبـل خطـاه إلـى اخطـا واتلـقـاه
واسمـك يروعنـي إلـى مـر طـاريـه=واحـب ملقـوف ٍ يسولـف وطــراه
وامـر بيتـك مـن بعيـد ٍ..ولا اجيـه=وانـا لونـه فـي يـدي (مـا اتعـداه)
حتـى (توايـر موتـري) تلتفـت فيـه=تبغي تلـف ويستحـي العقـل والجـاه
وصلك يخيـط الصدر..والبعـد يفريـه=(ويابري حالـي كـان صديـت بريـاه)
ويلي على ادري حبنا ((ويـش تاليـه؟؟))=وويلي على ادري وش ورى الغيب ويلاه؟؟
عشـان اشـوف اذا محبتك..((ترفيـه))=والله لا اقفـي عنّك..((استغـفـر الله))

لــــــــ محمد بن حمد بن فطيس