خـلـك طـبـيـعـي . وسـالـم بـن جـخـيـر

[طلال بن قطام]

هيه ياللي تحسبني على الضيق محدي
والله ان اموت والنفـس محـدٍ حدهـا
لاتجادلني وجرحك على ماهـو نـدي
اركد وخلك طبيعـي ونفسـك هدهـا
الخطا من قال لاخطيت تذبح لك فـدي
والسوالف من خلط مزحها مع جدهـا
لاتناظر تحت شفني على حد الجـدي
وكان عنـدك كلمـةٍ تستحيهـا بدهـا
الشعر قاضي ولا جيت له هدي قـدي
حجتك عندك وانـا حجتـي باعدهـا
والله اني والله اني على اعـذب مـدي
ردها عني ليا جيـب طـاري ردهـا
شاعرٍادل كـل الـدروب ولا غـدي
يوم بعض النـاس ياجيبهـا ياودهـا
اتواضع واكتب اسمي وتحتـه مبتـدي
ولا انا عيني على الكلمه اللي ضدهـا
والقصيده كان ماجاتنـي مثـل ولـدي
والله ان العـن ثواهـا وابيـح سدهـا
غصب عنها تعتزيبي وتبشر بسعـدي
وغصب عنها تفتخر بي لا جيت اعدها
كل هذا كل هـذا ولا جبـت جهـدي
كيف مانـي قدهـا والله انـي قدهـا
وسـلامـتـكـ لـلـشـاعـر سـالـم بـن جـخـيـر ــم