(( ياكبــــــــر الموقف اللي رجال اتشيل جثمانه ))
.
.
.
بعد عام ٍ على الفرقى سرت بي خطوة الأقدام=مشيت ووجهتي قصره بشوف الوان جدرانه
مشيت وتثقل الخطوه حزين ومنكسر منظام = لقيت القصر متغير حـــــــزين وباهت الوانه
لقيت الصمت له معنى ودموع ٍ تقتل الأحلام =بعيون ايتام ياجابــــــــــر على فرقاك ذبلانه
بكت دم ٍ في ذكرى رحيلك بأول الأعوام =عيون من البكى ذابت على ابـــــواب دسمانه
سألت الباب والحارس سألت السور والأعلام=ورد الصمت لي صوتي وحمام ٍ رف جنحانه
فجيعة موت هدتنا على طيب ونسل اكرام =وبقى هالحــــزن متسيد زوايا القصر وركانه
فرح مأسور في دمعه سجين ويشكي الألام =امل مكسور في عيون الأرامل عاش حرمانه
رجل يبكي نسا تبكي بكى كل الوطن منلام= ياكبــــــــر الموقف اللي رجال اتشيل جثمانه
مشوبه والقبر مفتوح يهلي بواصل الأرحام= هلا يامرضــــي ٍ ربه حفظ دينه وقـــــــرآنه
هلا ياناصر المظلوم هلا ياناصر الإسلام = هلابك والقبــــــر روض ٍ تظلل فية أغصانه
فعلت الخير في الدنيا ولقيت الخير لك قدام = نعم هـــــــذا وعـــــد ربك تنعم وسط بستانه
هلا باللي الشريعه حطها له مصدر الأحكام = وأسس لجنة ٍ عليا بصفقه حيــــــــل ربحانه
هلا باللي جمع ست العواصم وحد الأقوام=هلا باللي نصر قدسه ولاخون بجيــــــرانه
هلا باللي رفض كفه يصافح لعنة الأقزام =وسخر كل طاقاته لأجل القدس واخـــــوانه
هلا ياجابر الخيرات هلا يالفارس المقدام= فرح هالقبــــر بقدومك وصار المسك ريحانه
هلا ياجابر العثرات هلا ياصفوة الحكام=هلا يامن عدل بالشعب رجح بالخيــر ميزانه
دعالك شعبك المخلص بكا ذكرى مرور العام=رفـع يده طلب ربه عسى الجنات مسكانه
عسى منهو بناء مسجد ودار ٍ ضمت الأيتام =عسى منهو بكف الجـــــــود يمد الخير لوطانه
نعيم القبر في الدنيا جزاء من واحد ٍ علام =ويوم الحشر في جنه ويـــــــــدخل خير بيبانه
تهنا فمرقدك جابر ترى حنا ثلاث اهرام =كويت وشعب أبـــــوناصر حكيم الراي ربانه
تعاهدنا ثلاثتنا فلا نرخي مع الأيام = يمــــــــوت اللي يعادينا يمــــــوت بنار طغيانه
تعلي فوق ياديره ذبح حسادك الأوهام = طبـــــع في وسط أوهامه ونخر هالدود سيسانه
خرافه من يصدقها مصيره ساحة الإعدام =خســــــر منهو هقى يقدر يضم كويت لحضانه
رساله أوصلي جابر وعد لنحقق الأحلام=وتبقى كويتنا الأولـــــــى وتبقى جوهره ودانه
.
.
.
حمد المخيال
17-01-2007, 11:42 AM
العرض الشجري