أشرقت شمس الفراق وطـارت العصفـورة = وانـهـدم عــش الـغــرام ولا قـــدرت الـمّــه
وانكـسـر جفـنـي وهـجّـت دمـعـةٍ مكـسـوره = مــن ضحـايـا خـلّـي الـوافـي قلـيـل الـذمّــه
صادنـي بحبـال عيـنـه فــي نعـيـم الـصـورة = خمّنـي وانــا احسبـنّـي مــن غـبـاي أخـمّـه
الله اكـبــر يـازمــانٍ مـابـقـى مــــن نــــوره = غيـر مـا يبقـى لبـو ستيـن عـام امــن امّــه
يـوم اعايـن كـثـرة اشـواكـه وقــلّ زهــوره = مايـجـيـنـي وامــدحــه ولا يــجــوز اذمّـــــه
لـكــنّ انّـــه قـــد طـعـنّـي طـعـنـةٍ مـنـكــوره = طعنة ابن العم الأقرب فـي ظهـر بـن عمّـه
والـغـدر بـالــذات شـــيٍّ يسـتـحـق الـثــورة = ولــوّ كـانـت غايـتـه غِـيـبـه وشـــك ونـمّــه
لـــنّ رب العالـمـيـن وخــالــق الـمـعـمـوره = حـرّمـه بكتـابـه الطـاهـر عـلـى خـيـر امّــه
يعـنـي انــك يازمـانـي لــو قـريـت الـسـورة = كـان مـا غوّيـت خــلٍ صــرت شـايـل هـمّـه
الوليـف اللـي ربـى سمعـي علـى حنـجـوره = وادمـنـت عيـنـي تـهـلّ دموعـهـا فــي كـمّـه
واحتـرف صـدري طريقـة إحتـواء شعـوره = واحتـرق دمّـي عـشـان يــذوق خـفّـة دمّــه
واعتمـد قلبـي غيـاب الـهـم عـنـد حـضـوره = واشــرّت كـــل الـبـواصـل باتـجـاهـي يـمّــه
ثــوّر غـبــار الـعـنـا بالـخـطـوة الـمـغـروره = ليـن غثـرب مابقـى لـي مـن قـراح الجّـمـه
كنت اجاهد حزنه الطاغـي عشـان سـروره = واتـحـرّى بسـمـة عيـونـه وضـحـكـة فـمّــه
لـيــن خـلّـيـت الـفـيـافـي كـلّـهــا مـمـطــوره = وانْبتـت عشبـة طموحـه فـي ركيـب الهِمّـه
كم تـذوّق مـن عسـل قلبـي بـراس اظفـوره = ويوم جيت اشرب دوى روحي سقاني سمّه
لـيـن عـكّـر جــويّ ومـاتـت جمـيـع طـيـوره = وانتحـر حلـمٍ رمـى نفسـه مـن اعلـى قـمّـه
واشرقت شمس الفراق وطارت العصفوره = وانـهـدم عــش الـغــرام ولا قـــدرت الـمّــه
الشاعر ....... فصيل السواط
21-01-2007, 04:50 PM
العرض الشجري