صحيح احبش موت واموت بالزين=وحبش سكن قلبي وجاري بدمّـي
واذود عنش لو خصومي ملاييـن=ولا من طلبتي حاجتن قلت سمّـي
أما اني ابكي لنش بسـاع تبكيـن=واقول لش يااغلى من ابوي وامي
لا والله منتي بحولهم لو تموتيـن=انتي بعض همّي وهم كـل همّـي
جعلش افداهم وجعل كل المزاييـن=افدى لهم من كـل هـمٍ وغمّـي
ذي سالفه ماعاد فيهـا اختياريـن=تعوذي من ابليس وهدّي وسمّـي
كانش قنعتي فاطلبـي ماتريديـن=وكانش زميتي شوفي اليوم زمّـي
أشوم انا من قبل مانتي تشوميـن=في ساعتن ماهم مدحـي وذمّـي
عزيز طبع ومن رجالن عزيزين=ولا البس انا ثوبٍ قِصر دون كمّي
ولامن مشيت أدل دربي على وين=درب الردى يابنت ماهوب يمّـي
يابنت...ربعي ساعة الجد صلفين=قومن تهبد القـاع ماهـي تسمّـي
تقلب موازيـنٍ وتعـدل موازيـن=وان شتتوا شمل العـدى مايلمّـي
اذكّرش من شان ماعـاد تنسيـن=ان المراجل جـم وياكبـر جمّـي
مااميل لامالت عقـول المساكيـن=وميلة اعقالـي ماتعيّـب معمّـي
فان كان قفّيتي فلا اقـول تكفيـن=لابنت خال لـي ولابنـت عمّـي
روحي وبلقى بنت تسوى ملاييـن=وتحبنـي وتقـدّر ابـوي وامـي
وسلامتكم وتعيشون محمد فهد العرجاني
06-02-2007, 09:33 AM
ابـوي وامـي لـ مـحـمـد فـهـد الـعـرجـانـي
العرض العادي
