السلام عليكم ورحمة الله وبركاته
لـ ذائقتكم الشعريه .. أرجو مرورها
:
:
:
أستسمحك .. يا غلا ! يا أغلى من أخواني=أستسمحك .. وأسمع القصه ! ومافيها
القصه؟ .. أني عجزت .. أضبط أوزاني=أيام! .. ترحل بي .. لعتمة لياليها
ماهيب قصة .. متاع الوقت! .. قواني=إلا! .. ضياع الضروف .. أرحل .. وأجاريها
ظرف ٍ تقاصيته ... وظرف ٍ تماداني=يا دوب ! أتمم على الأوضاع .. أمشيها
وقت المشاغل !؟ .. خذاني .. وين وداني؟=شرهة أوادم .. تصب .. بصدر لاهيها
ألهتني أشغالها .. يا نصفي الثاني=لكن! .. على دربها .. طيفك يلاحيها
أدري! مقصر .. ولكن! .. حظي العاني=خلاني .. أصبّح الكنّه .. وأمسيها
وأدري! عذولي عليك .. اليوم شمتاني=لاجلك!؟ .. بكحل عيون الحسد .. وأعميها
يا من عليك .. النظر .. والروح! شفقاني=شرهتك! في بعدي .. أخذها وأخبيها
الحق! .. تشره عليّ .. أن صحت أبداني=وأنا! .. لاجل شرهة الغاليين .. اباريها
أبسط حقوقك! .. تقول .. شلون تنساني؟=مانيب ناسيك! .. والشرهات أداريها
أنته! .. على بالي .. دون القاصي .. الداني=ما قد نسيتك! .. يا جملة حب .. أغنيها
مانيب قايل .. تراك ابداخل .. أذهاني=لكن! .. تأكد .. بأن تسطو .. حواليها
واليوم! .. جيتك .. بعد عنوّه .. من أزماني=من شان أجدد .. صياغ الوصل .. وأبديها
وأضبط مسار العمر .. وياك .. وحداني=وأيام عمر العنا .. تعلن .. تجافيها
يا أغلى من اللي .. سكن .. وأحتل وجداني=تبقى .. عديل العمر .. بأول وتاليها
وأن قلت! .. عني .. تركني .. أو تناساني=بـصيح .. صوت وصدى .. مانيب قاويها
لكن! .. تأكد بأنك ... أغلى خلاااااني=والغيبه . اللي جرت ؟؟ .. ملعووون واليها
أحمد بن بدير
/
11-02-2007, 12:23 PM
العرض الشجري