قصيده في جميع القبايل... اتمنى ان تجوز لكم

[ثامر الدوسري]

السلام عليكم ورحمه الله وبركاته
هذي القصيده اخترتها لكم من احد المنتديات واعجبتني جدا ولا حبيت ان ابخل عليكم بها واتمنى ان تعجبكم اترككم مع القصيده....

يالله ياخالق ارضين وابحار=الواحد المعبود رزاق عبيدة
الخالق الغفار علام الاسرار=وفرق شعوب الارض في كل يدة
وابدي واسولف من عذيبات الاشعار=ابيات شعر والمعاني وكيدة
اشري وابيع واعرف كيف بختار=واختار من جزل البيوت الفريدة
وذكر تراث وعز وامجاد وافخار=قبائل تومن بدين وعقيدة
في ظل حكام لهم فعل واشوار=ال سعود اللي تفك الضهيدة
نسل الزعيم الحاكم العادل البار=مجدد امجاد الجزيرة بجيدة
حتى اصبحت حرة وحنا له انصار=في ظل اخونورة هنوف سعيدة
وخلف لنا املوك لهم فعل واخبار=الشعب واحد والقيادة رشيدة
والامن بانينة على ساس وجدار=وقرو على العابث عقوبة شديدة
وحنا حماة الدار من كل غدار=وماهمنا بطشة وخبثة وكيدة
قبائل مالحقناهم اوعار=وعشنا بهذي الدار عيشة رغيدة
والحمد لله نحمدة سر واجهار=شعب تكاتف من سنين مديدة
ودون الوطن جيش على كل معبار=لارفرف البيرق ونادى عقيدة
بشرق البلاد وغربها دوم حضار=وارض الشمال اللي نفودة مديدة
وارض الجنوب اللي تخيضر بالاشجار=جزيرة فيها القبايل عديدة
ارض قحطان وافين الاشبار=وياعز منهم بالشدايد بسديدة
واذكر عتيبة يوم للطيب مغوار=لاثارت الهيجا وقرب ضديدة
وشمر هل الطولات والجود مقدار=اهل الكرم واهل الفعول الحميدة
وقوم اعنزة مروين الاخصام الامرار=اولاد وايل من عصور عهيدة
ومطير قوم تكرم الضيف لازار=وياويل خصم في حراهم وعيدة
واذكر قبيلة حرب يانعم الاخيار=وتاريخهم يحكى سطور مجيدة
وسبيع نعم القوم ووجية الاسفار=زبن الدخيل ليا زبن من طريدة
واذكر قبيلة يام والطيب يندار=اهل العلوم الوافية والرشيدة
ثم الدواسر تجعل الخصم منهار=عيال زايد عز منهم سنيدة
ثم السهول اللي لها الطيب مدرار=وعن منهج العادات ماهي محيدة
ثم اذكر العجمان حماية الجار=والمرجلة والجاة فيهم عتيدة
واذكر بني مرة طويلين الاعمار=ماينقد المري و لالة نقيدة
ثم الهواجر لابة تقدح النار=اهل الركاب اللي خطاها بعيدة
واذكر بني خالد قبيلة وامرار=قوم لهم في المجد قول ورصيدة
وبني تميم اللي لها الطيب مصدار=بني تميم وكل فعل تجيدة
ثم الزعوب اللي بها الخصم يحتار=شجعان ماترضى سوا ماتريدة
العازمي وافي وفي الطيب بيطار=روحة على كل المصاعب صميدة
ثم الظفيري في المصاعيب جبار=والطيب الامداح باصلة وطيدة
ثم اذكر الاشراف بجلال واكبار=اهل الحجاز اللي تفك الزهيدة
ثم الهذيلي له مخواقف ومندار=راعي الفخر راعي العلوم السديدة
ثم البقوم اللي لهم جيش وامهار=ريف الضيوف ليا لفاهم وليدة
واذكر ثقيف اللي لهم مجد واثار=ومهما حسبنا من كلام نعيدة
والحارثي اهل العز بشهود واقرار=الحارثي ياطيب فعلة وجيدة
والمالكي معروف لاصار ما صار=في مواقف اهل الطيب يبذل جهيدة
واثني تحياتي عدد و بل الامطار=على سليم وكل خصم تكيدة
واذكر جهينة هل مواقيف وادوار=تلقى الجهيني راسم الطيب بيدة
واذكر بلى والمجداه وفعل واظهار=وتاريخهم يحكى فعول فريدة
وبني عطية في المواجيب حضار=قوم بوقت الجد قوم عنيدة
ثم الحويطي والكرامة له اشعار=ثم الشراري له فعول مفيدة
ثم الرشيدي في العصيبات ضبار=على علوم الطيب فعلة يزيدة
زهران نعم القوم في وقت الاضرار=والخصم عينة من لقاها سهيدة
والغامدي معروف له عزم واضرار=راعي المراجل والعلوم المفيدة
وشمران قوم والجمايل لها اطوار=وبلقرن سم للقلوب النكيدة
وبني شهر وبني عمر سيف بتار=قوم على الاخصام نار وقيدة
والاسمري والاحمري صيتم سار=بين القبايل والمواقيف شهيدة
واذكر عسير الهول ذربين الاذكار=وابها احتموها فالسنين الشديدة
وادهم والصيعر على حد الاقطار=يحمون حد الدار من اللي يريدة
وامشي على الساحل مع جمله افكار=رسمتها والطير زان تغريدة
وانزل على جيزان تاريخ واديار=ورجال فيفا والقبايل عديدة
وارجوا العذر واهل المواجيب عذار=الي نسيته مانذكر في القصيدة
الواهبي عدد ابيوته بالادوار=من شاعر ماشل قلبة حقيدة
شهران ربعي هم هل المدح والكار=واهل الكند واهل السيوف الجديدة
يوم البلد مايامن الزند لاثار=زيزومنا ابن مشيط نعم الوليدة
فالجهل شجعان وفي السلم تجار=من بطن بيشه للتهم لارفيدة
حبيت ابين موقفي يبن شعار=وارجوا سموحتكم على ذا النشيدة
ماحب انافق واتعنصر تعنصار=ولاني باطيع اهل العقول البليدة
ماكل من طب البحر قيل بحار=وما كل من شل الفستق جاب صيدة
فالشعر بستان به ورد وازهار=واللي تعداها بيوته فقيدة
واقولها في الشعر تكرار وامرار=ضرف بلا عنوان يلغي بريدة
وبعض السوالف له مواقف ومحضار=وشعر بلا معنى لزوم نبيدة
وصلوا على المرسول شفاع الابرار=محمد الهادي وقدوة عبيدة

وسلامتكم ....

اتمنى ان تكون قد حازت على رضاكم واستحسانكم...

تقبلو تحياتي اخوكم : ثامر الدوسري