ياوجد حالي وجد شيخٍ لا حلال ولا عيال

[مناحي الصميل]

ابيات كيبورديّه سريعه

.
.
.
.

فوق الزبر جالس لحالي وأتفكّر بالهلال = والدمع في محجر عيوني عالق وما سالته
ياوجد حالي وجد شيخٍ لا حلال ولا عيال = وقت الشدايد ما لقى منهو يقضّي حاجته
تلعب به الدنيا مشاكل .. من جنوب ومن شمال = حتى الرّكب من زود همّه مالت وما شالته
وفوق ذا كلّه تمسّك بالعقيده والحلال = وما شيّ يقدر يشغله ويصدّ عنه طاعته
مير المصايب والمشاكل ثقلها ثقل الجبال = ويا كم واحد من بني آدم يدوّر راحته
دنيا ( دنيّه ) بالنهايه تجري ابمجرى الزوال = وكل منهو عايشٍ فيها تقدّم ساعته
في يوم لا ينفع حلال ولا عمام ولا خوال = ما ينفعك كود العمل اللي يمينك جابته
دنيا مليّه بالعِبر كل يوم تعطي لك مثال = يا كم رجّالٍ شنب احوالها قد هابته
لا تحسب الدنيا مديده لا ولله الكمال = ياكم رجّالٍ يظن انها كذا ثم خانته

وسلامتكم

مناحي بن فهاد الصميل

[فلاح بن ملبز]

حجز اول

[حضريه عمها بدوي]

صح الله لسانك

تسلم

[سالم الرتيبان]

صح لسانك يابو فهاد
تقبل تحياتي
اخيك سالم الرتيبان

[مناحي الصميل]

المشاركة الأصلية كتبت بواسطة فلاح بن ملبز

حجز اول

ارحب يابو محمد


حجزك اوكي مع الشرف طال عمرك

[(هاوي قصيد)]

ياحرام

في يوم لا ينفع حـلال ولا عمـام ولا خـوال .. ما ينفعك كـود العمـل اللـي يمينـك جابتـه

دنيا مليّه بالعِبر كل يـوم تعطـي لـك مثـال .. يا كـم رجّـالٍ شنـب احوالهـا قـد هابتـه

صحيح

صح الله لسانك ولاهنت , جزله من راس جزل يابوفهاد

تقبل مروري

[المارد الشعري]

الله الله الله
ياسلااااااااااااااااااااااااااااااام
خل المعزه على جنب

علي بالحرام انها اعجبتني

خشمك خشمك على هالجزاله

صح السانك ياالنشمي

[مــقــبــل]

المشاركة الأصلية كتبت بواسطة مناحي الصميل

ابيات كيبورديّه سريعه

.
.
.
.

فوق الزبر جالس لحالي وأتفكّر بالهلال = والدمع في محجر عيوني عالق وما سالته
ياوجد حالي وجد شيخٍ لا حلال ولا عيال = وقت الشدايد ما لقى منهو يقضّي حاجته
تلعب به الدنيا مشاكل .. من جنوب ومن شمال = حتى الرّكب من زود همّه مالت وما شالته
وفوق ذا كلّه تمسّك بالعقيده والحلال = وما شيّ يقدر يشغله ويصدّ عنه طاعته
مير المصايب والمشاكل ثقلها ثقل الجبال = ويا كم واحد من بني آدم يدوّر راحته
دنيا ( دنيّه ) بالنهايه تجري ابمجرى الزوال = وكل منهو عايشٍ فيها تقدّم ساعته
في يوم لا ينفع حلال ولا عمام ولا خوال = ما ينفعك كود العمل اللي يمينك جابته
دنيا مليّه بالعِبر كل يوم تعطي لك مثال = يا كم رجّالٍ شنب احوالها قد هابته
لا تحسب الدنيا مديده لا ولله الكمال = ياكم رجّالٍ يظن انها كذا ثم خانته

وسلامتكم

مناحي بن فهاد الصميل

الله الله الله

الله يبيض وجه شايبن جابك على ذا القصيده

صح الله الســـــانك ملااااااااين

جعل عمرك طـــويل يامناحي

تقبل تـــحيات اخــــيك مـــقبل

[مشاعر حالمه]

مناحي الصميل

صح السانك يالقرم ولاهنت

تحيتي لك / مشاعر حالمه

[مناحي الصميل]

المشاركة الأصلية كتبت بواسطة حضريه عمها بدوي

صح الله لسانك

تسلم

صح الله بدنش


لا هنتي على مرورش الكريم