لفيت من العصر هايم مع ان الموعـد المغـرب (رائعه من رواع الشعر)

[جطلي بن فهد]

على الموعد ب(لهفة) جيت لا مانـع ولا تأخيـر
لفيت من العصر هايم مع ان الموعـد المغـرب
وجتني بس انا مدري شعرت الجيّة هـذي غيـر
وهي تقرب من عيوني شعرت ان الممات اقـرب
وقلت الله يهوّنها عسى فـي جيّتـك لـي خيـر
انا من شفتك أقبلتي وانـا خايـف ومستغـرب
على كثر الحكي مـدري كأنّـه خانهـا التعبيـر
وقالت لي جمـل وأشيـاء لا تكتـب ولا تعـرب
هدت فجأة تطالعني وأنا فـي حاجـة التفسيـر
لجل نحكي بهدوء اكثر سألت: الحلوة وش تشرب
فصاحت بي انا احبك ولك فـي هالحشـا تقديـر
وتدري ان المثل فينا وفـي احساسنـا يُضـرب
وكنت انت الوفي وانت البري من تهمة التقصير
ولكن ذي عوايدهـم مـن ايـام وزمـن يثـرب
تكون البنت لابن العم ورغبـات الكبـار تصيـر
وتدري الاقربون اولى .. مع انك للخفوق أقـرب
وتدري للقـدر كلمـة.. لعـادات الأهـل تأثيـر
لذا أرجوك تتركني وانـا مـن واقعـك باهـرب
شعرت بحكيها كنّـه قصـاص وامـر بالتعزيـر
شعرت الدنيا ضاقت بي من المشرق ليا المغرب
مشت خلّت وراها طفل ما يـدرك وش التدبيـر
يحسب ان الغرام ابيات شاعر واغنيـة مطـرب
ضحكت وماقدرت اني ألاقـي لضحكتـي تبريـر
من اللي بوقتنا مرّه ضحك مـن لدغـة العقـرب
رفضت أستوعب اللي صار ولا استسلمت للتغيير
ثمان سنين اجي نفس المكـان بحـزة المغـرب
برغم ان الثمان سنين جـرح وكلّفتنيـي كثيـر
أنا لليوم أجي وأدعي.. تجي يارب .. تجي يارب






هاه ان شاء الله اعجبتكم

[@بنت الشيوخ@]

وتدري الاقربون اولى .. مع انك للخفوق أقـرب



ماشالله علييييك......كل ماااتنقى اروع.....

تسلللللم يمنااااك ياانجم وبختياارك...

تقبل مروري....

[جطلي بن فهد]

بنت الشيووخ مرورك اروع ومشكوووره وشهادتك اعتز فيها لاهنتي على المرور يابنت الشيووخ

[الاحرش]

صح لسانك ولسان شاعرها

ويعطيك العافية على هالنقل الجزل

ولاهنت

[جطلي بن فهد]

الله يعافيك ومشكووور ع المرور ولاهنت