الـــجــــنــــوبــــــ

[محمد آل سفران]

من خزانة القديم

امل ان تجد القبول

ياهل الجيبات يالّي مشوا وقت الغروب = لا تخلوني وراكم إذا معكم رفق

مابقا بيّ كون عظم تحت غتره وثوب = يحتطبني حاطب الموت لا حان الشفق

اسمحوا لي أحتضن طارةٍ لأحّد الجيوب = واقف كل العذر مالكم مني مطق

لا دبرنا باني السوم وجهتنا جنوب = وإعتلا صوت المغني على طول الافق

عارفين للمساري مع عوج الدروب = الوعر في عُرفنا مثل مسطاح الملق

قبل نور الصبح ننحي ورى عرقٍ طنوب = تنقدح ضوّ النشاما مع نور الفلق

انطلق صبي هميم على الطيب محسوب = بهّر الدلة وشاهيٍ على بنةٍ حبق

مبعدينٍ مصّحافة وفجعات الحروب = وقولة مبنا الارامل على الارض انطبق

خوةٍ بين النشاما بعيدٍ مالذنوب = الضماير صافيه كنها بيض الورق

اشرقت شمس الضحى وغّمرت تلك الخبوب = نبه الجيب المطرف وشغل ونطلق

نسرح العدٍ بعيد من البدو معروب = يجتمع شمل الحبايب على خير الوفق

لاورد قناصهم لايح وجهه شحوب = كاسبٍ في مقنصه من على هد السلق

طبّ عوقي مع هل الماء من العيب محجوب = شيب عيني لا تخطأ ووقف وصطفق

بارع في كل شئ مع زين السّلوب = يشرح الخافي بعينه إلى منه رمق

لاتهادا وبّتعد دابر ثوبه هبوب = تنشغل عيني بدربه وقلبي انسرق

حِجّر عيونه تمارأ على سلب القلوب = تنطق بكل المشاعر لونه مانطق

افترقنا والتّفراق من عظم الكروب = حي ميعاد الحبايب مع دنو الغسق

من بعدهم زاد جرحي بوقاده شبوب = كل ماقلنا تشالا تداما ونفتق

غادي كني يتيم مع عمّ صخوب = لا بغا يشكي ظروفه من العبرة شرق

ولّ ياحلم اللقاء بُرت يالّحلم الكذوب = عاقد فيك الآمل واصلٍ حد الشبق

قلبي الّي من عنا الصبر وجلٍ ومغصوب = حي بدوٍ بيتهم قاسم شقه طرق