(زلزلت نجران ربعي تهز جبالها)
قصيدة قديمة في عهد الملك فهد رحمه الله في يوم التضامن الوطني ضد الارهاب وكلي امل ان
تحوز على رضاكم (مقر الحفل حبونا)
نحمد الله ربنا الواحد الفرد الصمد=باسطٍ سبعٍ وسبعٍ عظيمه شالها
والنبي عليه صلوا وتباعه رشد=نعمةٍ تمت من الله ومد حبالها
شفت طيفٍ في منامي وقلبي مارقد=للعروس اللي على القوم عز وصالها
جاوبت عبد العزيز المظفر للاسد=اشهد انه كفوها والنعم رجالها
ثم سلمها امانه لوافين العهد=كلهم من حاكم الشعب خدم ورجالها
ساع جتني قلت:-في الحلم-هلا طيف السعد=تمتمت نبرات حزنٍ وتشكي حالها
خدها الطاهر يبين علامات النكد=الله اكبر جرحها من عقوق عيالها
ورعها اكبر عقوقه لغير الله عبد=غرروا به زمرة الشر..زاد هبالها
ثم جرتها تناهيت امٍ في كبد=وحامت الدمعه..وخرت..هباسيالها
قمت من نومي وانا اعتزي(اخوحمد)=اخس يا الشيطان والدار لاتنتالها
سمعوني صوت تصفيق واستاهل بعد=في الفهد والدار الابيات ونا من قالها
من زمان الشعرعني توارى وابتعد=وجفوة الدنيا تساوت معي واقبالها
انتحر فيني عنيدي ولا هاجس برد=والقوافي لايح الشيب نوض خيالها
بحترق كلي قصايد وتبشر بالسعد=دارنا والشرذمه ما تحرك شالها
مايجيها الحزن اسين والحاكم فهد=من نشا فيها الفهد لاتهم ثعالها
لي نوى-مثل امس-عالم معه قام وقعد=السياسه وسط راسه علا منزالها
ويعضده عبدالله شيهان والي للعهد=لطمته تعمي لمنهو تقرب جالها
وفي سماها حام سلطان لجناحه فرد=معتلي بقصى سماها جوير هلالها
ونايف علا النوايف تعلاها..صعد=لاتهمك كل عقدة وهو حلالها
دارنا ما تانس الضيم من بزت ولد=من بزت جمع الصناديد يسعد بالها
انتخي صفوة رجاجيل ماتذخر جهد=لي بغوا شرب المنايا يطيب حثالها
موتهم في ساعة الله يا حلوه شهد=وعندي البرهان تاريخ شهد بفعالها
ماحد منا تخاذل وبالعجة شرد=والمعارك يرهب العين برق سلالها
ولي وصلنا نابي الفهد واحتاج البلد=زلزلت نجران ربعي تهز جبالها
قادهم للفهد رجل على العليا صمد=مشعل بن سعود روس المعالي طالها
والنعم باقي القبايل ولا استثني احد=مملكتنا الغالية..دارنا حنا لها
مانع ال سعد اليامي
06-06-2007, 03:17 AM
العرض الشجري