اعزائي .... اداره واعضاء وزوار
الله يمسيمكم بالخير جميعا ً
تقبلوا مني هذه المشاركه
وهي ردّيه من الوزن الثقيل
بين العمالقه
مانع بن شلحاط & سعد بن جدلان
والآن اترككم مع الإبداع
قال مانع بن شلحاط
سلام من باب التعارف على طول = ياسيّد القيفان مزري فحلها
تلتني اللهفه على شيفة الزول = ياعيد ميلاد النفوس وزعلها
ياسعد ابن جدلان مع كثرة الضول = صوتك تبيّن والجماهير ولها
والا انتحى مثلك عن السوق لحول = وعادك بعد عامين ألها وألها
يالاكلبي ياكثر مارثة ابا الهول = اللي تبيّن للعوارف جهلها
ذا قول منهو عن حكاياه مسؤل =وجهود غراة القريحه بذلها
سلام ابن شلحاط يهديه لزحول = لرجال بيشه والشقيقه واهلها
قال سعد بن جدلان :
يامرحبا مادونها باب مقفول = لبوابها ريموت بيدين اهلها
للي لهم لب السراجيف مدهول = تسقي مزارعها وتبني فللها
صوتك يابن شلحاط بالحيل مقبول = والاصوات من يصغي لاهلها قبلها
ودام النقاده تتجه ضد مجهول = مافيه اجابه كود للي سألها
حنا ليا شفنا الهوايل وش نقول = نقول من عاج العصيّ يعدلها
ولو هل البلسم يداوون معلول = شمس المعارف ماربح من نقلها
والصوره اللي في متاحف سطنبول = من حبّها ولا محبّة عملها
ويصيّح القناص ياجول ياجول = وآخر نهاية نقطة الجيم شلها
ودمتم
07-06-2007, 03:04 AM
ابن شلحاط & ابن جدلان//ردّيه
العرض العادي
