قصيدة التخرج......... سعد العجمي

[سعد بن سلطان]

سلام عليكم


بعد انقطاع طويل دام فتره الدراسه واختبارات النهائيه

اعود اليكم اليوم في اخر قصائدي


بمناسبه التخرج

وهي إهداء لكم و لدفعتي المتخرجه ومنهم اخوي وزميلي محمد بن فهاد


وهي بعنوان


كلمه الحق

بسم الله الي عارفن كل الذي تخفون = إلاه الكون خالق الارض ومرسي رواسيها
ابي ابدا قصيدي والشعر معنى وقاف ولون = وابيات القصيده زاهيه بحلا معانيها
كما أنجوم السما لامن تلالت في ظلام الكون = او العقد المرصع في نحر عذرا يحليها
وابياتي جديده ما مثلها لو علا كربون = وانا دايم على العليا بأحلا صوت اغنيها
وانا شاعر وكل ٍ يعرف اني بالغزل مفتون = ولكن بترك ابيات الغزل لو مت انا فيها
الا يا دفعتي مبروك انتم ثروة القانون = اذا مالت موازين العداله من يوازيها
بوازيها وعدلها واذا مالت فلا تثنون = لان الله يعلي كلمت الحق ونعليها
واذا منكم يبي مهنت محامي فعرفو تكفون =خوافي نفسنا ربي عرفها في خوافيها
وإلامن جاكم المجرم فلا رأفه وحلم وهون = لان المجرم اولابه سنين السجن يقضيها
ولا تغريكم امواله ولو ماله مثل قارون = لان الله يمحقها ويسحقها ويفنيها
وردو الحق لصحابه وكونو له يمين وعون = ولا تاخذكم الدنيا ولو كثرت بلاويها
وانا حلمي مدينه فاضله من فكر افلاطون = ولا فيها جرايم والبشر متساويه فيها
ولكن حلمي الوردي صحا في عالم ٍ مجنون = وكل الناس تاكل مبعضها والله يهديها
والا يا دفعتي مبروك اكررها عسى ترضون = وادري حقكم اكبر من ابيات ٍ اطريها

وسلامتكم


وأخيراً

المحامي / سعد بن طخيمه العجمي