حب بواسطة البلوتوث

[حسين القفيلي]

جيتك وانا كلي همـوم وغرابيـل =
جيتك وانـا كلـي جـروح نديـه =
جيتك وانا دمعي بخـدي هماليـل =
يسكب مثل صيف تـرادف نويـه =
جيتك وانا اشكي الهم والبعد والويل=
واشكي ظروفٍ في حيـاة شقيـه =
جيتك وانا ظامي وشفقان بالحيـل =
واسقيتني فنجـال مـن الشاذليـه =
ياصاحبي مالي مع سايـر الجيـل =
إلا انت يااغلـى صاحـب بالبريـه =
يابو عيون كن بها سجـة الميـل =
الله عطاهـا الزيـن والمقـدريـه =
لي سلهمت فيني برمش مظالييـل =
كنـي بسلهامـه وردت المنـيـه =
يابنت وافين النسـب ماالرجاجيـل=
اهـل الفعـول الطيبـه والطريـه =
فرسان بظهور الأصايل من الخيـل =
يوم الحـروب ونزعـة الجاهليـه =
واليوم شيخـانً وربـع مشاكيـل =
يا سعد من هم لابتـه كـل هيـه =
أغليـك لوكثـرت علـي التأويـل =
ويغليك ساسك والجـدود القويـه =
ومحبتي لك فـوق كـل الأقاويـل =
حب الشرف حب السلـوم الطريـه =
ماهو بحب(ن) من البلوتوث تنزيل =
حب الضعاف أهل النفوس الرديـه =
العشـرة اللـي شرحهابالتفاصيـل =
من سار فيها عايـب فـي خويـه =
تركيع بنت الحـر وتعيـش تذليـل =
يلعـن ابوهـا عشـرة مهمهيـه =
يابنت شومي من قليل المحاصيـل=
حره وعيشي فـي حياتـك أبيـه =

[عيد بن شدقان]

صح السان الشاعر والناقل


حسين
ما علمتنا من راعي القصيده





ولاهنت يالطيّب

[شرطي بدون رتبه]

شكرااا على النقل

لاهنت ياخوي

تقبل مروري
اخوك

[حسين القفيلي]

المشاركة الأصلية كتبت بواسطة عيد بن شدقان

صح السان الشاعر والناقل


حسين
ما علمتنا من راعي القصيده





ولاهنت يالطيّب

اخي عيد بن شدقاااااااااااان

صح الله بدنك وانا صاحب القصيده

وعتبي انا وانت على الادارة لانها لم تمنحني لقب شاعر حتى الآن
لذلك حبيت التنويه لهذه النقطه ودمتم

[حسين القفيلي]

شرطي بدون رتبه


صح الله بدنك والله لايهينك على المرور
والقصيده انا صاحبها

تقبل تحيااااااااااااااتي