كل الدروب اتسوقني لين بــــــــــــــــــــابه ,,,

[عجمي في لبنان]

مساء الخير

متى على الله تفرح العين بالعيـن=وافرح بشوفه عقب طولت اغيابـه
مرت سنه ومن عقبها مر شهرين=هذا حسابي مدري كم هو احسابـه
تسوقني ادروبي ولاأدري على وين=وكل الدروب اتسوقني ليـن بابـه
وشارعهم القاسي غدا لي عناوين=حبيت شارعهم واعشقـه اترابـه
ياعونة الله كيف نرجـي امقفييـن=وكيف الطريق اللي جمعنا غدابـه
ذبلت وروود الحب وسط البساتين=قـدام عينـه كـن ماهـوب آبـه
ياعين ياعين الشقا كيف تمسيـن=والدمـع هتانـه يكفـي سحـابـه
والقلب كاسيه الألـم يـوم تبكيـن=عـزي لقلبـي يـوم كـل درابـه
والخافق المكسور ناشف مع العين=جفـت مواريـده وكمـل زهابـه
بموادعه قطعـت كـل الشراييـن=ونقلت جرحي وراح ينقل صوابـه
كانها تمني منوتـي بـس شييـن=اني امـوت وموتتـي عنـد بابـه

وسلامتــــــــــــــــــــــــــــــــــــــــــــ ــــــكم