هذا شهر ودع ولا عاد لك صوت= وفوق الشهر حتى النظر مالقيبك!

[الينع]

السلام عليكم ورحمة الله وبركاته

منتدى العجمان يسعدني ان انضم لهذه الكوكبه الرائعه وهذه أولى مبادراتي البسيطه.

ياهود هوّج ناحية من له الموت= فدوه،وأظن حتى الفدى مايجيبك
ياليت مرسال النسايم لي بزوت= كانه يزت لي امن النسايم (لهيبك)
وأقسم بمن كون عناقيد هالتوت= إن المشاعر..مووت لحظة مغيبك
وش حال إن بين لي الكتب والنوت= امن القصيد إللي ثمن من عجيبك
ياصاحبي ياصبر من عاش بالحوت= ياليتني بصبر النبي ثم أسيبك
مثلك صبر عسره ولا عاته العوت= وأنا رجيت الرب ربي حسيبك
أدري بشوف القبر ويفوتني الفوت= لكن بعيشك طيف وأصبح حبيبك
وإن كان في طيفك بزعلك...تابوت= يجثم به قليبٍ حشى مايردي بك
ياصاحبي خذني معك مالي أي قوت= وأمسح دموع ٍ ماذرفت غيرطيبك
وأرجوك لا تقهر وتظفر بي اللوت= وتبجّل القهره وتكسر... قريبك
هذا شهر ودع ولا عاد لك صوت= وفوق الشهر حتى النظر مالقيبك
وشلون لي قدرة وانا خافته خفوت= وفرقاك وإن يكبر ترى يقل هيبك

[مناحي الصميل]

صح الله لسانك


قصيده جميله


لا هنت ونرحب بك في منتدى العجمان بين اخوانك

[عبدالناصر آل عبدان]

الشاعر الينع العزيز

مرحبا بك بين اخوانك ومنتداك

ونتشرف في وجودك بينا

أما قصيدتك هذي سوت شيئ الله أعلم به !

وبيتك هذا ذكرني بقطعه من حياتي



هذا شهر ودع ولا عاد لك صـوت
,,,,,,,,,,,,,,وفوق الشهر حتى النظـر مالقيبـك

.
.
.

قد له شهر من وين ما راحت عيونه يحتريك
..............في راس مرقابه يخايل مزنتـن مـا خالتـه





الله كريمن مانوى بالتهاليك


حياك الله



ولي عوده

[هبايب جنوب]

هذا شهر ودع ولا عاد لك صـوت وفوق الشهر حتى النظر مالقيبـك
.....................
صح لسانك وسلم يراعك

[فلاح ال مخلص]

ياصاحبي خذني معك مالي أي قوت....وأمسح دموع ٍ ماذرفت غيرطيبـك

وأرجوك لا تقهر وتظفر بي اللوت....وتبجّل القهره وتكسـر... قريبـك

هذا شهر ودع ولا عاد لك صـوت.....وفوق الشهر حتى النظـر مالقيبـك



الينع انت شاعر جزل


والقصيده معبره وتدمي القلب



صح لسانك

[الينع]

مناحي الصميل الله يحيييك وصح الله بدنك.إختك الينع

[عيد بن شدقان]

الينع


صح السانك مدد بلاا عدد




ولاهنت

[كنزاااااااااان]

الينع
صح لسانها اتمنى القادم افضل حبيت اسجل مرورى
تقبلى تحيااااااااااااااااااااااتى
كنزان

[قرناس الكويت]

السلام عليكم ورحمة الله وبركاته


مشاركه جميله يا الينع و اتمنى لك النجاح والتوفيق

صح لسانك

[مطنوخه]

اليـــــــــــــــــــــــــــنــــــــــع




وربي غير...





لي عوده يالغاليه.




إختك




مطنوخه