السلام عليكم , اخواني اخواتي الأعضــاء انا أتأسف بإنقطـاعي عن السـاحه الإنترنتيّه العنكبـوتيّـه
لكـن كل ما اتمنـاه أني أرجع مثـل ماكنـت وأحسـن ,
انا لعينك لو عشقت الوفا نور
وانا لقلبك لو عشقت الجفا نار
عطني صراح القول لاتلف وتدور
ولاتعذر بالزمن جار او دار
اما تشيل الود من طور لي طور
ولا الوفا لاتذرف الدمع وان طار
الحب عندي اصله احساس وشعور
واصل الهوا عندك خواطر واشعار
وان كان غيري غرك فبيت مكسور
انا ترى بيتي لأعلى فلك سار
قل نرجسي قل عاشق الذات مغرور
مايلحق العاقل ملامه من اغرار
قدري بنفسه عارفه مسمع الشور
الا لمن يصدق القول ليا شار
انا لمن بين لي الود مقدور
يصيرله عندي معزه ومقدار
واذا استغل الطيب فيني لقا سور
بيني وبينه يمنع الشوق لا سار
يعيش هو مسرور واعيش مسرور
لابحت انا سره ولابيّـح اسرار
موتك من الي بالقفا يطعنك زور
ويبثلك اشواق المحبين لازار
موتك من الي قلبه اسود من الجور
وليا خطب على الناس وصى على الجار
لامفارق الجنه ولا مفارق الحور
ولاساهرن ليلي ولا ناظري حار
غيرك يحول عيشتي نور في نور
وغيري يحول عيشتك نار في نار
16-10-2007, 05:06 AM
العرض الشجري