لاتغيّرك الليالي .. ويغريك الغياب لـ مطلق بن شويه :)

[قبلة العذارى]

سلام الله عليكم ورحمته وبركاته


واسعد الله اوقاتكم بكل خير


للتواصل معكم .. رائعه للمبدع مطلق بن شويه آمله ان تنال على رضى ذائقتكم


سموا

ليتنـا ياصاحبـي نقـضـي الدنـيـا شـبـاب=(كــان أعيّـفـك المحبـيـن قبـلـي .. وبـعـدي)

لكـن الـلـي قـدرتـه ماتغطيـهـا السـحـاب=خـلّـت الأعـمـار تـاقـف والايـــام تـعــدي

أعـرف إنّـك مـن تــراب .. ومــردّك للـتـراب=خلّك اللـي يُخلـق إنسـان ويمـوت أجـودي

الوفا في الحب مثل (الأمانـه فـي الرقـاب)=ملـتـزم فيـهـا (سـنـافـي) .. وخايـنـهـا (ردي)

وأنت حاول تحفـظ الـود ياسمـح الجنـاب=مثـل مـا بـلادك تحفـظ الجمايـل لبلـدي !!

لاتغـيّـرك الليـالـي .. ويـغـريـك الـغـيـاب=وتحدانـي !! والجفـا منـك حادينـي حـدي

نبض قلبـي يـوم ودّا .. ونبضـه يـوم جـاب=مايقـول : الا عسـى الله يسامـح ويـهـدي

عد غلطاتك علـى يـدك وأحسبهـا حسـاب=إنسها .. ومسامحك .. وأذبح لنفسك فدي

كـود ذيـك الغلطـه اللـي تعـاب وتستعـاب=غلطـةٍ ضيّعـت عمـري وراهــا .. وجـهـدي !!

طعنـةٍ مـن سيـف عنتـر ومـن شلفـا ذيـاب=تنتهـي بـيـن الضـلـوع القـصـار .. وتبـتـدي

ماهقيتـك يـوم الأجسـاد تسترهـا الثيـاب=بالجفا عريت صبري ؟! وعريت جسدي ؟!

ليه ؟؟ وأنا اللي عشانك تحديت الصعـاب=وفي دروبك متعب أقـدام رجلـي بالعـدي

إن ضوانـي الليـل .. سريتـهـا بلـيـا ركــاب=وإن نويت سهيل .. وجهت وجهـي للجـدي

من عذابي كل خطوه !! وخطوه من عـذاب=الليـالـي سرمـديّـه !! .. ودربـــك سـرمــدي

وين أيمم شوف عيني وأنا اخيلـك سـراب=كـل ماضميـت زولـك .. تـلاشـى مــن يــدي

مذهـبٍ حالـي بطـاريـك يـامـال الـذهـاب=مابقـى فالقلـب مـن سبّـتـك عــرقٍ نــدي

ليت مايفتح على بـاب شعـري منـك بـاب=لاتثاقلـت اجلسـاي .. وجفـانـي مـرقـدي

وأرسمك قدام عينـي علـى صفحـة كتـاب=وأنـت بيـن السالميّـه .. وبـيـن الأحـمـدي

إن (نسيتك) .. فأعرف إنّي مـوارا فالتـراب=وإن (تذكرتك) .. عسى الله يسامح ويهـدي

وان تعدتك المشاريـه .. وأخطـاك العتـاب=أعرف ان منتب سنافي !.. ولانتب أجـودي !

وسلام