ضيقوا صدر العباة ووسعوا طرف الكموم .... وبيجي يوم(ن) نشوف شقوق في وسط العبــــاة

[ريــــــانـه العــــود]

السلام عليكم

قصيده اعجبتني للشاعر ناصر البراق وان شاء الله تحوز على إعجابكم

العبايه عولموها وانفثو فيها السموم = من ملاهي الرقص جابوا فكر تخصير العباة

ضيقوا صدر العباة ووسعوا طرف الكموم =ونزلوها لين وصلت آخر أكتاف الفــــــــتاة

بانت نحور الصبايا وانكشف شكل الهدوم =والغبية تحسبنها زايده زين وحــــــــــــلاة

والبراقع دلعوها لين عام الخد عوم = لازم القرضه توسع والكحل يلقى الحــــياة

طوروا شكل النقاب وصارت الدعوه علوم = صار شفاف(ن) يوضح خدها ويا الشـــــــفاة

وآخر الصرعه لثام(ن) يفتن الرجل العزوم = والفتن قالوا ضلاله للقلوب المؤمنـــــــــات

وش علامك بنت حوى تستبيحين السلوم = أو مع خيلك ياشقراء بعضكم جنس البنـــات

قاهرتهم هالعبايه مايبون الستر دوم = جدهم علمان يعني لاصيام ولاصــــــــــــلاة

حطوا إن البنت سلعه وغلفوها بالهموم = وارفعوا شعار(ن) ينادي للحقوق الضايعــات

من ظلمها والبدو لاصاحت الحرمه تقوم =قايمه تحت المعادي لأجل عين الشامخــــــات

من ظلمها يوم قام المعتصم من عز نوم = قال وين الكافر اللي يستبيح المسلمـــــات

ثم ذبح لأجل شعرتها من العدو كثر النجوم = قال هذا حق منهو يستذل الطـــــــــــاهرات

نكسوا ذاك الشعار ولملموا باقي السهوم = يكسر الخاطر سهمكم لاضرب في مدرعـــــــات

بيتكم لاصار مبني داخل البيت مهدوم = وبيتنا صوم وصلاة وحج وأشهد والزكــــــــــاة

إتركيهم يابدويه وخلي اللايم يلوم = وسعي خصر العبايه واكرمي بالمكرمــــــات

وإن رفعتيها لراسك أصبح الراس محشوم = العبايه فوق راسك حشمه وطيب وثبـــــــات

وماعليك من اللئيمه تحاول تقلدك يوم = لبست البرقع ولكن حن عرق الماجـــــــدات

بحنكها ألفين دقه مدري ألف من الوشوم = أو تراه ألفين هكري يكتبون الذكريــــــــــات

ولابغت تكتب قصيده قافها هو قاف يوم = (يوم يابا) (يوم يابا) جاك عرق الراقصــــــــات

جت تقول إني بدويه قلت أنتي وجه بوم =إعقبي منتي بدويه أنتي جزء من الحـــــصاة

يابدويه لايغرك بعض غربان(ن) تحوم =أنتي فوق الكل أنتي فوق روس النايـــــــــفات

أنتي يوم الحرب دارت والمعارك (قوم) (قوم ) = عانقت عزوات أخوك صوت ضرب المرهفـــــــات

إن حدوا من بيننا أو طولوا حد العقوم = يابدويه طبعي أرقى فوق كل الطايــــــــــــــلات

إحذري يابنت منهم طبعهم نفث السموم = عولمتهم لو أعرفها طلع معنى الشـــــــــــتات

ظيقوا صدر العباة ووسعوا طرف الكموم = وبيجي يوم(ن) نشوف شقوق في وسط العبــــاة

وسلامتكم

[الـــــذرب]

صاااااااااااااااااااااااادق


كلامه درر

ناصر البراااق اهنيـــك على القصـــــيده

صح السااانه

وتسلمين ع النقـــــــــــل

[صـــبـــــــــا]

صح لسااان شاعرهااا

انشهد انه ماكذب

يسلمووو اختي ريانه على النقل المميز

[غـزلان]

مسا الخير

ريانة العود

اختيار جميل جدا

قصيدة ... ساخرة

وفيها وصف ... من تدقيق الشاعر

الله يعين ... والله ان اللي ذكرهم حولنا


اعوذبالله من غضب الله

[aL_CaBoNi]

قصيده جميله

تسلمين ريانه على النقل

[شرطي بدون رتبه]

ريانة العود


صح لسان شاعرها ناصر البراق وتسلم يمين من نقلها



حطوا إن البنت سلعـه وغلفوهـا بالهمـوم
وارفعوا شعار(ن) ينادي للحقوق الضايعـات

من ظلمها والبدو لاصاحـت الحرمـه تقـوم
قايمه تحت المعادي لأجل عيـن الشامخـات

من ظلمها يوم قام المعتصم مـن عـز نـوم
قال وين الكافـر اللـي يستبيـح المسلمـات

ثم ذبح لأجل شعرتها من العدو كثـر النجـوم
قال هـذا حـق منهـو يستـذل الطاهـرات


نقل جميل جدا

تقبلي مروري المتواضع

[!رفـــ الشان ــيع!]

أنتي يوم الحرب دارت والمعارك (قوم) (قوم )
عانقت عزوات أخوك صوت ضرب المرهفات
عز الله صااااااادق ولا كذب بكلمه
وين البنات عن ذاالبيت يحسوون بيقيمتهم قبل وذالحين
صح لسان شاعرها وتسلم أصابع ناقلها
تقبلي مروري......................

[@بنت الشيوخ@]

ريووونه...

صح الله لساان الشاعر انشهد انه صاادق...

ولساانش لاهنتي ...

الله يعطيش العافيه ياغاليه,,,

تقبلي مروري..

بنووته..

[ناصر بن فالح]

الله الله


لله دره


مبدع

ناصر البراق

لاهنت على النقل

[فيصل ال رشيد]

تسلمين ريانة العود