الا ليــــت ربي يــــوم غنـــّا حمام الدار ..

[سعد بن سريّع]

عدنا والعــــود احمد
مشاركة جديــــده قديـــــمه ..
ارجو ان تجيــــزها ذائقــــتكمــ ..

الا ليت ربي يوم غنا حمام الدار = خذا السمع مني ثم رده علي عقبه
تغني على لحن المواجع حديث ٍ صار = وانا لد سمعي دون صوتك ويا قربه
سرا الشوف مع دمع المحاجر وعقبه طار = وانا احاول اجمع ما بقى من ورا سربه
الا يالحمام اليوم وش طاري التذكار = اخط الثرا من حرف قلبي ومن سكبه
تهيضت من بدعي بوجه الثرا الاشعار = او انك تغني من خفا هم تشعر به
انا في حجاك اليوم يا رب يا ستار = من الضيق .. واللوعات .. والعجز .. والكربه
ليا شفت لك عاني خذا قلبه الاسفار = ترا مقصده يدله من ظروفه الصعبه
تجلوا ضميري بين ارض ٍ خلا واقفار = خبرت الفواد يعيش في جسمه بغربه؟!!
الا يالحمام اليوم عزفك بدون اوتار = عزفت بوتر قلبي بريشه كما الحربه
تحسب الفواد يصيح من ريشتك او ثار !! = سكت لاهو بضايق ولا النفس منطربه
اطوف الديار وكل ما جيت حول جدار = طرالي قصيد ابن الملوح وافكر به
اقبل جداره وادري اني احب حجار = بحبه مدام انه يمره على دربه
تعذر حمامي عن لحونه وعقبه طار = وانا الوح بكفي واشوفه مع سربه

مع تحيات الغناوي ,,,