لاصار سطره مايخالفه حبري ... معذور لامنه تباهى خياله ..

[محمد المجول]

السلام عليكم ورحمة الله وبركاته

إخواني وأخواتي أعضاء منتدانا الموقر أضع بين يديكم هذه المتواضعه

عسى أن تحوز على رضاكم وترتقي إلا ذائقتكم الرفيعه

جلست أقلب صفحة أيام عمري=لقيتني ماخذ حياتي سهاله.
ماغير أردد بدري الوقت بدري=إلين ضيعت الحرام وحلاله.
عذري شباب ومقبح أشكال عذري=مازادني غير الجهل وإعتلاله.
مدري سبقت الوقت من قل فكري=وإلا سبقني بالحزم وإعتداله.
لا ماشكيت المال لكن يافقري=لا ماشكيت الطيب والطيب هاله.
لا ماشكيت العلم والعلم يثري=أهل العقول المشبعه بالجهاله.
مرن تساير سمعتي طيب ذكري=ومرن أدور للذكر والجماله.
مابين ذاك وذاك والنفس تجري=تبحث علوم الطيب شرق وشماله.
بسج من ذيك الحقيقه بشعري=وأهيم بالظبي الجفول وجماله.
ينفخ رمادي لين ماشب جمري=والعود الأزرق تو زان إشتعاله.
لاصار سطره مايخالفه حبري=معذور لامنه تباها خياله.
طرفن كحيل..وغاية الحب عذري=خصرن نحيل..وشعر مطول لياله.
مدري أقوله كيف.. وأكتبه مدري.=بس الوكاد إنه نديمي لحاله.
لبيه.. تحبسها شفاتي بصدري=ياملعن السجان..وأحلا مقاله.
ياقو صبره.. وإلا أنا طال صبري=ياضيق صدري فيه... ياوسع جاله.
ياكبر كوني به.. ولاغاب يسري=بين العروق ..وبين خافق دعاله.
هو شب جمري..؟ يحتمل حر جمري=من قال له ياتي يفوح دلاله!!!