شيخة عتيبه

[البرقــــاوى]

أيامنـا والليالـي كــم نعاتبـهـا=شبنا وشابت وعفنا بعض الأحوالـي
تاعـد مواعيـد والجاهـل مكذبهـا=واللي عرف حدها من همهـا سالـي
إن أقبلت يوم مـا تصفـى مشاربهـا=تقفي وتقبل وما دامت علـى حالـي
فـي كـل يـوم تورينـا عجايبهـا=واليوم الأول تراه احسن مـن التالـي
أيـام فـي غلبهـا وايـام نغلبـهـا=وايـام فيهـا سـوا والدهـر ميالـي
جربت الأيـام مثلـي مـن يجربهـا=تجريب عاقل وذاق المـر والحالـي
نضحك مع الناس والدنيـا نلاعبهـا=نمشي مع الفي طوع حيث ما مالـي
كم مـن علـومٍ وكـم آداب نكسبهـا=والشعـر مـازون مثقـالٍ بمثقالـي
اعرف حروف الهجاء بالرمز واكتبها=عاقل ومجنون حاوى كل الاشكالـي
لكن حظـي ردي والـروح متعبهـا=ما فادني حسن تاديبـي مـع أمثالـي
إن جيت ابي حاجةٍ عـزت مطالبهـا=العفو ما واحدٍ في النـاس يـا والـي
قومٍ الـى جيتهـم رفـت شواربهـا=بالضحك واقلوبها فيها الـردا كالـي
وقومٍ الى جيتهـا صكـت حواجبهـا=وابد ت لي البغض في مقفاي واقبالي
مـا كنـي إلا حــال مغضبـهـا=والكل في عشرتـه ماكـر ودجالـي
يا حيف تخفي أموراً كنـت حاسبهـا=واللي على بالهـم كلـه علـى بالـي
الجار جافـي وكـم قـومٍ محاربهـا=والأهل وأصحابنا والـدون والعالـي
والروح ويش عذرها في ترك واجبها=راح الحسب والنسب في جمع الأموالي
نفسي تبى العز والحاجـات تغصبهـا=ترمي بهـا بيـن أجاويـد وانذالـي
المال يحـي رجـالاً لا حيـاة ابهـا=كالسيل يحي الهشيـم الدمـدم البالـي
عفت المنازل وروحي يـوم اجنبهـا=منها غنيمه وعنهـا البعـد أولا لـي
لا خير في ديرةٍ يشقى العزيـز ابهـا=يمشي مع الناس فـي هـمٍ وإذلالـي
دارٍ بهـا الخـوف دومٍ مـا يغايبهـا=والجوع فيها ومعها بعض الاحوالـي
جوعى سراحينهـا شبعـى ثعالبهـا=الكلـب والهـر يقـدم كـل ريبالـي
عز الفتى راس ماله مـن مكاسبهـا=يا مرتضي الهون لا عزٍّ ولا مالـي
دللت بالروح لين ارخصـت جانبهـا=وانا عتيبي عريـب الجـد والخالـي
قومٍ تدوس الافاعـي مـع عقاربهـا=ولها عزايـم تهـد الشامـخ العالـي
خل المنـازل وقـل للبيـن يندبهـا=يبكي عليهـا بدمـع العيـن هطالـي
لا تعمر الـدار والقـالات تخربهـا=بيع الردي بالخساره واشتـر الغالـي
ما ضاقت الأرض وانسدت مذاهبهـا=فيهـا السعـه والمراجـل والتفتالـيِ
دارٍ بــدار وجـيـرانٍ نقاربـهـا=وارضٍ بأرض وأطـلالٍ بأطلالـي
والناس اجانيب لين إنـك تصاحبهـا=تكون منهـم كمـا قالـوا بالأمثالـي
الارض لله نمشـي فـي مناكبـهـا=والله قـدر لـنـا أرزاق وآجـالـي
حـث المطايـا وشرِّقهـا وغرِّبهـا=واقطع بهـا كـل فـجٍّ دارسٍ خالـي
واطعن انحور الفيافي فـي ترايبهـا=وابعد عن الهم تمسي خالـي البالـي
مـن كـل عمليـةٍ تقطـع براكبهـا=فدافـد البيـد درهــامٍ وزرفـالـي
تبعدك عـن دار قـومٍ ودار تقربهـا=واختـر لنفسـك للمنـزال منزالـي
لو متّ فـي ديـرةٍ قفـراً جوانبهـا=فيها لوطى السباع الغبـس مدهالـي
اخير من ديـرةٍ يجفـاك صاحبهـا=كـم ذا الجفـا والتجافـي والتعلالـي
دوس المخاطر ولا تخشـى عواقبهـا=الموت واحد وبعـد العـز يجلالـي
ان المنـايـا إذا مــدت مخالبـهـا=تدركك لو كنت في جو السما العالـي
ما قرت الاسد فـي عالـي مراقبهـا=تسعى على الرزق ما حنت للاشبالـي
والشمس في برجها والغيـم يحجبهـا=تقفي وتقبل لها في العـرش مجدالـى
رب السماوات يا محصـي كواكبهـا=يا مجري السفن في لجات الأهوالـي
ضاقت بنا الأرض واشتبت شبايبهـا=والغيث محبوس يا معبود يـا والـي
يا الله مـن مزنـةٍ هبـت هبايبهـا=رعادها بات له في البحـر زلزالـي
ريح العوالي مـن المنشـا تجاذبهـا=جذب الدلى من جباء مطوية الجالـي
ديمومـةٍ سبلـت وأرخـت ذوايبهـا=وانهل منها غزيـر الوبـل همالـي
تسقي دياراً شديـد الوقـت حاربهـا=ما عاد فيها لبعض النـاس منزالـي
يا جاهـل اسمـع تماثيـلاً مرتبهـا=فيها معانـي جميـع القيـل والقالـي
مثل المحابيـب زادت فـي قوالبهـا=في صرفها زايده عن قرش واريالـي
يا ربي توبـه وروحـي لا تعذبهـا=يوم القيامه إذا مـا ضاقـت اعمالـي
وازكى صلاةٍ على المختار نوهبهـا=شفيعنا يـوم حشـرٍ فيـه الأهوالـي

قصيدة الشاعر / بديوى الوقدانى العتيبى ,,, رحمه الله

[زيـــاد]

الله الله

الله

صح منقولك وصح لسان شاعرهاااااا

قصيدة قيــمه بمعانيها

لاهنت يالبرقاوي


تحيتي

[الجلمود]

صح السان شاعرهاوناقلها

[البرقــــاوى]

حياك الله اخوى زياااد
شكراا على المرور
ياولد العم تمنياتى لك بالتوفيق

[البرقــــاوى]

الجلموود شكراا على المرور
وتقبل تحيااااتى

[فهد بن مطلق]

البرقاوي


يامرحباابك

اول شي صح السان شاعرها

بس ودي اعرف شغله القصيده لك ولا منقوله اذا كانت منقوله سوف يتم نقل القصيده الى شعر العام

[قطاع الفيافي]

لاهنـت يالبرقـاوي علـى النقـل الرائـع..!!

والشاعـر بديـوي الوقدانـي العتيبـي رحمـة اللـه شاعـر
كبيـر والكبيـر اللـه وهـو مـن الشعـراء الـذي
اضـافـو للشعـر الشــيء الكثيـر ..

[فــلاح]

الله الله

قصـيده رائعه

ولاهنت يالبرقااوي على النقل

وصـح ألسـان الشاعر الكبير / بديوي الوقداني


تقبل مروري

طويــــق

[البرقــــاوى]

اخي العزيز العـود هلابك

القصيده منقوله ولشاعر بديوي الوقداني العتيبي واشكرك على نقلها هنا

شكرا على المرور

[البرقــــاوى]

قطاع الفيافي شكرااا على المرور