الحب ضحكة بعينـك بـس ما طلتـه = عمرك بـ/ هالكون شفت أبسط من احلامي ( معلقه صغيره )

[بــ ــــــــرق]

السلام عليكم و رحمة الله و بركاته



مساء الخير



قصيده لـ / شاعر غني عن التعريف




ادعكم مع القصيده





صلوا على النبي
.
.
.
.
.
.

ماقلت لي شـي وش خليـت ما قلتـه = اسكت وخل الكلام لـ/ جرحـي الدامـي
لوغيـرك اللـي يسولـف ما تحملتـه = لكن على شان عينك هانـت ألآمـي
للحـب مفهـوم عمـرك ما تخيلـتـه = ما أظن يستوعبـه تفكيـرك السامـي
هذا الفراق الطويـل وهـذي أسئلتـه = هذا حصاد السنيـن وهـذي أيامـي
ياما و يامـا عليـك البـال طولتـه = والعمرعدى وأنا عايش على أوهامي
حتى طريق الفـراق اللـي تساهلتـه = لقيته أصعب على نفسي من أقدامـي
اصبر لـي شـوي لو دمـي تثاقلـتـه = بحاول أستوعب اللي صـار قدامـي
الحب ضحكة بعينـك بـس ما طلتـه = عمرك بـ/ هالكون شفت أبسط من احلامي
القلب لو ما خفق لـك كـان ما شلتـه = و لو ما أنت ملهم قصيدي جفت أقلامي
هـذا قصيـدي بعينـك لو تجاهلتـه = ينزف على شأن يروي قلبك الضامي
العـام طـاري غيابـك ما تقبلـتـه = واليوم حرماني أصبح مصدر إلهامي
لاتعتذر لـي وابنسـى كـل ما قلتـه = وش ينفع العذر لامن ضاعت أيامـي

لـ / متعب التركي





تقبلوا تحياتي

بــ ــــــــــــرق