_______// الوجة الأبيض من صباح أمس مبلوج// ______مصافحة اولى

[محمد بن صويان]

الشعر له جندٍ من الجن مرجوج =بسبابه الشاعر تجي فيه رجه
والنادره لاجات من مثلي تروج =والصدق نور .. وحجة الشعر حجه
قب المعاني لصعيبات مسروج = وأنصاف شعار المجلات دجه
وسط البحر دوامة البحر والموج= وسبع البحور أمواجها مستلجه
يللي تبي تجتاحها فوق هجهوج = غلطان وأكثر هرجة الناس ضجه
أحرص على السمحات وأحذر من العوج =والهمج لوهو بين لحييك مجه
الوجه الأبيض من صباح أمس مبلوج = وأنا بفضل الله على أبيض محجه
ماعمري أحتجيت وأقفيت مفلوج = وإلا خصيم الحق كلٍ يحجه
وماني براعي هرج من قبل مهروج =هرج الفتي من لب قلبه يزجه
هرجٍ سوات المسك بالورد ممزوج = ينعش وتاخذ به هل العرف سجه
لاشفت صح الغير والعكس مدموج = أقول كلٍ له طريقه وفجه
هذا وانا مالي وراالشعر مدروج = إلا ربيع الهيض عن كل عجه
الله يرج اللي من الشعر مرجوج = والشاعر الشاعر .. تجي فية رجه !

[مـحمـد]

السلام عليكم ورحمة الله وبركاته
صح الله لسانك على هذه المصافحه الاولى
قصيده جزله وكفو يابن صويان .

[ᄽزعفرانᄽ]

بن صويان

قصيدة ... جزلهـ ..


من راس جزل .. أعجبتني كثير ..

استمتعه في قرائتها كثير ..


لك مني جزيل الشكر على هذة القصيدهـ


لاتحرمنا من جديدك . . . ! ! !

[الـ ـشـ ـقـ ـا ويـ ـه]

الله الله


صح ح ح لسانك يابن صويان


ويسعدنا تواجد شاعر جزل مثلك في منتدانا


لاهنت وتقبل مروري

[سعد بن سريّع]

.
.
.

بن صويــــان مرحبـــا ومســـهلا

نورت المنتـــدى ونتمنـــى نشــوف مزيد من الاشراقات

ابيات جميــله وقــاف عســــر ..


دمت بخيــــر . .

الغناوي

[مناحي الصميل]

محمد بن صويان

صح الله لسانك مدد بلا عدد

وبيض الله وجهك على المصافحه الطيبه

[محمد العزام]

ابن صويان اررحب و صح لسانك على هالقصيده لا هنت عليها

بنتظار جديدك

... تقبل مروري

[فلاح بن ملبز]

ارحب يا ابن صويان

وصح لسانك على ذا القصيدة الجزلة

ولاهنت

[فــلاح]

أحرص على السمحات وأحذر من العوج=والهمـج لوهـو بيـن لحييـك مجـه

ياسلام ياسلام


صـح ألســـانك مدد وبلا عدد دزله من راس جزل



يامرحبـــااا بابن صويـــاان ومصـافحـه شامخــه


ونوّرت صـدى المشــاعر بتواجـدك ..



لاتحرمنــاا من جــديدك ،،

[فيصل ال رشيد]

يابن صويان صح السانك