أرض الثنـادي .. رديـه بين مجموعة شعـّار من الظفيـر

[عزيز الفوزان]

انشـد (( الطرقي بن خريف بن سـويط )) انشوده غزليه في محبوبته واصفا مضارب

ديار اهلها في منطقه (( الثنادي )) في ديرة الظفير شمال حفر الباطن..

قال :

ياعشيري منزله بأرض الثنادي= في قطاط الحمض مع ايسر هديه
كـــل يـوم يدفع المظهور غادي= راحــته بالخور وفياض عَذِيــه
حـش ِ قلبي حش عيدان همادي= مخــيطات الوســم بأراض ٍ رديـــه

• _ وعرضه (( عقاب أباذراع )) قائلا ً

كان خلك منزله بارض ( الثنادي )=وانا شف بالي حمرا صـيعريه
يما حلا فوقها مس الـــشدادي=تقطع الهوجاس بـ سهال خليه
مشعل النوماس رجال نوادي=نشاما كلـــهم ربــع ودنيـــه
عند شيب النوق زينات التوادي=ننقص العدوان في شل الرعيـه
وكم هنوف ٍ شوقها جا بالسوادي=وكم هنوف ٍ شوقها يردف خويه

• _ وعارضه (( عبدالله بن مطني الحلاف )) قائلا ًَ

كان خلك منزله بارض الثنادي=وانا خلي منزله باطــراف لــيه
ما اخذت الــعاني لديار بــعادي=ولاتعدى صاحبي ديــار حيه
منزله بالشتا ( صفي العرادي )=وبالربيع من الشعيب ليا الحنيه
عنز ريم ٍ ربعت بفروع وادي=من لقف لها رد خاليات ايديه
يعلم الله لو تشوفها يالصمادي(1)=ماتهوى غيرها كل بــدويه

الصمادي: المقصود به هنا أنه ينتمي إلى جذم الصمدة من الظفيـر ..

• _ وعارضه (( عوض الشبلي الحسيني )) قائلا ً

كان خلك مــنزله بارض الثنادي =وانا خلي بـ ( القلايب ) يذكرونه
كل يوم يدقع المـــــضهور غادي=عقب خشيم الغضا و ( الجرع ) دونه
يتبع (( العوجان ))(1) سقمين المعادي=ليا زما عشب الخطر لابتي ينزلونه
عنز ريم ربعــــت بفروع وادي=يالصــمادي ماعندكم منها نمونه

العوجان : هي عزوة بني حسين من قبيلة الظفير


• _ وعارضه (( رخيص العصلب )) قائلا ً

كان خلك منزله بارض الثنادي=وانا خلـــي مـنزله بأرض الررديفه
كل يوم يدفع المظــهور غادي =ناحرت ( باكور ) وســـهال نظــيفه
حش قلبي حش حـبل الردادي=انقطع بها الغرب وراحت له وحيفه

• _وعارضه (( حمد بن شويش بن سويط )) قائلا ً

كان خلك منزله بأرض الثنادي=ياعشيري فوق ( بصوه ) يذكرونه
كل يوم ِ يدفع المظهور غــــادي=( البنيه ) و ( العضامي ) يدهلونه
جيت رجم الطير بالنايف ينادي=هيض رجم الخلا عله تخــونه
حالي اللي ناحله مــثل العيادي=من عشــير حالوا الــعيان دونه

تنـويه : نقـلت هذا المـوضوع من الأخ مشـاري عبدالله السـويط .. بتنسيـق مني ..