رحلتي مع الفراغ..!

[انتحار]

لانه بس صيف..!
وفي الصيف تشل كل مظاهر الحياه..وتؤجل
بفعل الكسل ليس الا..
لابفعل
"صقيع" الشمس
او بفعل
"نسمات" الغبار
انما لاننا نعشق التاجيل ..ونتقن هذا الفعل اتقان تام
فنشعر
بفراغ كبير
كبير جدا
كبير جدا جدا
وخصوصا...اذا مافيه امل سفره!!
..
المرحله الاولى
كيف احسست بهذا المدعو "فراغ"
!؟؟
الاجابه بسيطه ببساطة اكتشافي لهذا الشيء
(على فكره كلمة بسيط ليش مانكتبها بصيط؟؟ ننطقها صاد!)
اكتشف ذلك عند مشاهدتي لثلاث افلام ورى بعض..دفعه واحده
..
فذكرت ذلك لاحدهم وقال:
يخرب بيت الفراغ ..ثلاث افلام ورى بعض!! يع
(مدري ليش قال ..يع!)
فكرت فيها
اي والله صح..ثلاث افلام ورى بعض!
شصاير..؟ شسالفه؟ حتى المراقب للمصنفات الفنيه ماسواها
اكتشفت انه الفراغ هو اللي شجعني على هالشي
فامسكت هالفراغ من لغاليغوووه
وقلت راح انهيك ..راح ابيدك..راح امسحك
بس شلون!؟
....
سالت احدهم قلتله:
شلون؟؟
قال:سجل معهد لغه يقضي وقت فراغك ومنها تستفيد لغه
(مسكت الريموت وحطيته على بوعيده ماعجبني الاقتراح)
...
سالت واحد ثاني وكنت واثق انه ماوصل لمرحلة يشوف ثلاث افلام دفعه وحده لاني كل ماشوفه واقوله وينك ماتبين يقولي
... والله مشغول!!
me:حصلت وياك مره تشوف ثلاث افلام ورى بعض ؟؟
هو:اي صارت وياي
انا برضو:شلون؟؟
هو:لما كنت منوم بالمستشفى
انا:طيب واللي سواها وهو مو بالمستشفى ..وعادي يعني حياته طبيعيه
النذل:هذا مسكين..فارغ من كل شي وماكو شغل وحياته نقص!!
(مسكت الريموت بس مالقيت بوعيده ..وسالته متى يطلع بوعيده!؟)
..
طيب شلون اللحين
مسكين وماكو شغل ونقص!!
صفات بايخه
اساله دارت في مخي وانا قاعد اتابع فلم توني جايبه من المحل
...
لقيت سواقنا يضحك مع سواق قصرانا بالشارع اول مالمحني جاني على طول
(كل مايشوفني يجيني ..ولايقول شي بس يوقف عندي)
انا:حسين ياخي انا اعاني من شغله
حسينصامت)
انا: جايني شعور اني فارغ
حسين:...
انا:لاشغل ولامشغله ..تملكتني حالة النقص
حسين:....
انا:شوفلي حل
حسين: بقاله يبي فلوس مال هوا
انا:شكو
حسين:في اخر واجد
:اقولك حاس بفراغ تقولي راعي البقاله يبي فلوسه!! شالهم هذا
فقير وحاس بفراغ
شكرا حسين..شكرا للمساعده
...
لي صديق ماستحي منه
يكفي انه اول واحد دخنت قدامه..
(بيان للميانه واصله لمرحلة الهاويه بيني وبينه)
انا:زهقت ..حاس اني عاله على الكره الارضيه
هو:مثلي بالضبط
انا:شوفلي حل
هو:شوف حاس ان كرشي ترهل علي..ومن زمان ادور لي "نديم" يمشي بشارع المشاه معاي
انا: حلو ..يالله اللحين خلنا انبديها
....
طلعنا لشارع المشاه...مشينا ..ومشينا ..وسولفنا ..وسولفنا تعمقنا بالسوالف ..بس انتبهت ان كل مامر علينا احد ..عطانا نظره
واحد يهرول لامر علينا كسر رقبته علينا
وحده رابطه عباتها بخصرها ..(ولا فيه اي امل يتغير تضاريس جسمها) برضو تلتفت علينا
واحد راكب قاري ويا خويه حرك راسه اول مامر علينا (حرك راسه يمين يسار)
شالموضوع!!
....

(رحلتي مع الفراغ ...يتبع)
ملاحضه: هي ليست قصه او حتوته..انما هي تجليات

[نـاصـر آل نـصـار]

بما انني اول من يرد عليك
فانا اشكرك على الموضوع الجميل
وشكرا
وتقبل المرووووووووووووور

[ناصر بن فالح]

وينك البارحه

[صـــبـــــــــا]

هههههههههههههههههههههههههههههههه

قصتك مع حسين عجيبه اقدى فيك

يالله ناطرين التكمله ولاهنت يالمتفرغ

[ليبرالي]

زياره واحده للبنك الوطني او التسهيلات..تعيشك صيف بارد جدآ

[حــروف الحــب]

\
/
\



ent7ar


I am Waiting




completing

[مشعـل الجألـس]

لاسف مو بس انت تعاني منها حتى انا

وابشرك وصلت لمرحله اني اشوف موسم من بريسين بريك في يوم واحد

وتراه يدور خوي لسفر من الزهقه <<<<<<<<<
هههههههههههه

وانشالله ما تشعر بفراغ وحنا موجودين بالمنتدى

ومتشوقين للجزء الثاني

وتقبل مروري....

[™ عبد الله ™]

You Hot

أستمـتــعت بقراءة أول حلقات تجلـّياتك

في انتظار الباقي ..

بس تكفا لا تسوي نفس الام بي سي ودعاياتها بين لميس وبين شاهين

يعنـي لا تبــطي

[مـحمـد]

السلام عليكم ورحمة الله وبركاته

القدير انتحار استمتعت بتفاصيل الرحله وان كان اهم احداثها المدعو (ابو عيده)
تذكرت مقولة لاتؤجل عمل اليوم الى الغد وان كنا نمل سماعا مرارا وتكرارا
بانتظارك

[أبوفزاع]

السلام عليكم ورحمة الله وبركاته


المبدع / انتحار


لولا (الفراغ) لمات الناس كلهم // ( الشغل ) متعب (والنوم ) قتال


لولا هذا الفراغ الذي يعد نعمة من اكبر النعم


لم تعرفنا على هذه اللوحة الفنية الابداعية من (تجليات انتحار )



فالفراغ قال عنه الرسول صلى الله عليه وسلم

"نعمتان مغبون فيهما كثير من الناس : الصحة و الفراغ "




كل الشكر والتقدير لابداعاتك الرائعة


ولكن

طلعنا لشارع المشاه...مشينا ..ومشينا ..وسولفنا ..وسولفنا تعمقنا بالسوالف ..بس انتبهت ان كل مامر علينا احد ..عطانا نظره
واحد يهرول لامر علينا كسر رقبته علينا
وحده رابطه عباتها بخصرها ..(ولا فيه اي امل يتغير تضاريس جسمها) برضو تلتفت علينا
واحد راكب قاري ويا خويه حرك راسه اول مامر علينا (حرك راسه يمين يسار)
شالموضوع!!

تراك كسرت رقبتي معهم ؟؟؟

وش العلم


اقول : الممشى عند الابل (استر لك ) وافضل لك

والا شرايك



حقيقة استمتعت كثيرا بالمرور من هنا

وبانتظار التكملة