الظلم رسمي والمحاكم جريمه = والناس ماتدري عن أسباب الأرهاب
والصدق ماله بين الأنذال قيمه = لاقاله الصادق يقولون كذاب
والكيد من طبع القلوب السقيمه = لاوفق الله كل مغرض وسباب
شالفايده ؟ دام العواقب وخيمه = من لدغة العقرب ومن قرصة الداب
وين التطور والحياة الكريمه = وثرواتنا مابين ممسك ونهاب
رحنا خساره والخساره جسيمه = وماعاد ينفعنا التفاخر بالآنساب
دام الزمن مافيه شيمه وقيمه = يفرح بذل الروس ويعز الأذناب
الخصم طاغي والشريعه خصيمه = والعولمه .. غزوٍ للأفكار جذاب
هذا الصحيح ومن يعارض بهيمه = القدس محتله .. وبغداد منصاب
وين القيادات الكبار الحكيمه ..؟= مقادم الامه ليا كلح الناب
ضد العدو امن العصور القديمه = واليوم وين اللي يضدون حراب
الله عظيم وحكمة الله عظيمه = وماضاع حق ومن ورا الحق طلاب
07-08-2008, 06:41 AM
العرض الشجري