على الإطلال لاتبكي كفا تبكي على الإطـــلال
تناسى الهم ياقلبي كفانا غربله وهمــــــــــوم
تعال أحسب معي الأيام وكم ليله بليا وصـــال
خلاص الماضي مايرجع ترى حنا عيال اليوم
هذاك أول نعيش الحب ونتهنا براحة بــــــــال
هذاك أول قبل نكبر وتصبح ف العلوم اعلوم
ياقلبي هذي الدنيا ودايم تنقلب الأحــــــــــوال
ترى ماني الوحيد اللي بصدري ضيقه ومكتوم
أنا ادري إن الزمن ظالم ولايحسب عنا الرجال
وأعرف الحظ لامن طاح يبيله وقت لين يقوم
وذي قسمتنا ياقلبي تصبر عالحزن لو طــــــال
أمر مكتوب ومقدر وكيف نغــير المقســـــــــوم
ماهو ذنبي ولاذنبك نعاف الحلم والآمـــــــــــال
مدام إن السهر فارض علينا مانذوق الـنــــوم
ياقلبي تعبت اعيوني وهي تنظر يمين اشمـــال
أدور للأمل لكن لقيت إن الأمل >معـــــدوم<
أنا احب البحر وأعرف هدير الموج إليـــا مال
ولكني مع هذا أحس إني ماأطوق العــــــــــوم
أعيش بفقري وراضي ولاودي يجيني مــــــــال
لأني لو لقيت المال وجيت أشري عجزت أسوم
ياقلبي مر في سمعي كثير من الحكم وأمثـــال
ولاكن مالقيت أصدق من اللي قال بكره يـــوم
تعال نعيش دنيانا ونتعود على ذالحـــــــــــــــال
ويمكن شمسنا تشرق وتصبح ف العلوم اعلوم
الشاعر فيصل اليامي ..
..
11-08-2008, 02:35 AM
ياقلبي مر في سمعي كثير من الحكم وأمثـــال ... ولاكن مالقيت أصدق من اللي قال بكره يـــ
العرض الشجري