يسعد اوقاتكم...
(تمتعــــــــــوا...)
مايطرب الهاجس ولا يبحـث خفـاه
الا طواريـقـه بــراس النايـفـه
والحد مايمضـي اليـن افتـق شبـاه
ولايجيـب الـراس غيـر الكاايفـه
يـدق هاجوسـي علـى دقـة هـواه
ويهيـض حتـى تنعسـف عسايفـه
لاحن رعـاد المخايـل مـن سمـاه
فتحـت بـاب كنـت قبـل مسايفـه
باب الغلا للـي خـذا عقلـي حـلاه
واشتـقـت لمحـاكـاه ولطرايـفـه
غديت من دون الخيـال ومـن وراه
واتعبت فكري فـي رسـم وصايفـه
لله دره زيــن خـلـق الله خــذاه
لايابـعـد طوايـفـي طـوايـفـه
من يوم شفته والهـوى فـي مبتـداه
حسيت بان كنـي مـن اول شايفـه !
يرتع بروحي من خلاه وفـي خـلاه
بالـي شتـاه ومهجتـي مصايـفـه
العيـن لـه قلـب الشمالـي لخويـاه
والقلب لـه جـو الجنـوب وطايفـه
واللي يزود داخـل اعماقـي غـلاه
لاقـام ينشـد يحسـب انـي عايفـه
وانـا ربيعـي لاخـذت يـدي يـداه
ثـم عانـقـت نحايـفـي نحايـفـه
نسيت غربالـي وهـو همـه نسـاه
وعشنا معا (تـن) الغـرام و(فايفـه)
يضيع تركيـزي واضيـع الاتجـاه
لاعـظ باسنانـه طـرف شفايـفـه
وانسى وش اسمي لاطرق سمعي حكاه
احسـاسـي وحـواسـي ولايـفـه
عرفه معرفني علـى معنـى الحيـاه
تعـددت فــي دنيـتـي وظايـفـه
يضيفنـي ماسنـجـره والا بــلاه
نبضـي بكّريـات دمـي ضايـفـه
كم مرة قد سقت رجلـي فـي نحـاه
ماعودت مـن دون وصلـه خايفـه
يفـداه منحـوت تناقـلـه الــرواه
ويفـداه مطبوعـه وشهـره زايفـه
ماراح اكيد انه خـذاه اللـي عطـاه
علـى العظيـم المقتـدر خلايـفـه
من ذاق لذات الهـوى بـاول صبـاه
تكثـر ليـا طـال العمـر حسايفـه
الشاعر/ عوض ابو فقايا
(شنو يعني ابو فقايا؟)
19-10-2008, 03:23 AM
العرض الشجري