قصيــدة اعجبتنــي..في ال مفلــح

[ابونايف الوعيلي]

هذي قصيدة للشاعر:مجول عبد الهادي بن ريضه

بديت باسم اللي هدى الخلـق للديـن=الواحـد المعبـود منشـي الخيالـي
ومن اللعب جايز صارلي عدة سنيـن=واليوم أنا بألعب علـى مـا طرالـي
بأقـول قيـل وازنــه بالمـوازيـن=قيـل صحيـح مثـل نقـد الريالـي
ولنـا الفخـر لاقيـل عنـا نجاريـن=نجـران قـاع وساكنينـه رجـالـي
أهله هل الطولات في العسر والليـن=أهـل رجاجيـل تشـيـل الثقـالـي
وحنـا آل مفلـح بالمراجـل وفييـن=أفعالنـا تشـهـد لـنـا بالكمـالـي
وحنا السلـوم مطوعيـن الشياطيـن=لجـا نـهـارا فـيـه شدالحبـالـي
وحنا مواجـد سقـم عيـن المعاديـن=حريبنـا ندعسـه دعـس النعـالـي
وحنـا عريبيـن الجـدود الأصيليـن=مذكـر مرويـة القنـا والسـلالـي
وحنا من الماضي على الطيب ضارين=وحنـا هـل الطـولات أول وتالـي
وللمرمـريـن وللحـلـو حلـويـن=ولا جاتنـا مـن ضدنـا مـا نبالـي
ولـيـن للـيـن وللـعـي عيـيـن=وقصيرنـا منزالـه بـراس عـالـي
وللعسر عسريـن وللسهـل سهليـن=وياعسرنـا للـي براسـه هبـالـي
وللـي يريـد ينـال منـا صعيبيـن=صعبيـن للـي يريـد منـا ينـالـي
ولحقوقـنـا والله تـرانـا معيـيـن=ولا سهجت الحلة ولا أخذ الحلالـي
ونفعل فعولا تفـرح اللـي صديقيـن=وتغيض مـن كبـده عليهـا ملالـي
ويشهد لنا فعـل الرجـال القديميـن=وفي قيل ابن حوشـان أكبـر مثالـي
ولا همنا الثرثـار وسـط الدواويـن=ولا همنـا نـقـال قـيـل وقـالـي
أفعالنـا تشهـد لنـا فـي المياديـن=يـوم ان مطعـم مربـض للثعالـي
وعيب على اللي ينظر الليـل بالعيـن=ليلة البيات ومربضه فـي الصلالـي
وتمت بذكر اللي له الخلـق راجيـن=أبذكـر الله فـي نهـايـة مقـالـي

اخووووكم ابونايف الوعيلي