وشلون .. تبخل على المجروح .! بــ/علاجه..!(محمد بن فطيس)أهدااء لـ/فلاح بن ملبز

[فهد بن مطلق]

السلام عليكم ورحمه الله وبركاته


جديده لــ/محمد بن فطيس المري

بين أيديكم ،،

وصلوا على النبي

.
.
.
.
.

غيبتـك لـو هـي دقيقـه تعتـبـر صــدّه=الوقت دونك سجـن وغيابـك اسياجـه
لا تعتـذر لـي تـرى ماعـاد فـي شـدّه=اعيـد حكـي ٍ يكـود الـصـدر مخـراجـه
دامــه يـوصـف بـجـود ابـيـك وبـجــدّه=وشلون تبخل على المجروح بـ /علاجه؟
ووشلـون قــاوااك قلـبـك رده وصــدّه=مـع انـه بيّـن عليـه الضعـف والحاجـه
يــاقــو قـلـبــك بــــرد ايـمـيـنـك وردّه=بخلـت بمصافـحـه وارهـيـت بحـراجـه
لو ماسقى غيم عينـه جرهـدي خـدّه=تـراه يبـكـي وقلـبـه يلـحـق اخـلاجـه
ولـو شفتـه يمازحـك تـراه مــن جــدّه=الضحك عن درب ضيق الصدر ماعاجه
غيـر الغـلا والولـه علـيـك وش حــدّه؟=يــادرب ليـلـه ويـامـسـراه وسـراجــه
كنّـه يعرفـك قـبـل يلـقـاك مــن مــدّه=مــع ان مابيـنـك ومــا بيـنـه امـواجــه
هــواك بــدو ٍ نــووا للـقـلـب بـالـشـدّه=ورياض قلبـي لـ /شـوف البـدو محتاجـه
والوصل..بحر ٍ متى انت بتسمح ابمدّه=لــ /سيف صبـري وبحـرك شـح بامواجـه
قصيـدي اللـي قريـتـه والـلـي اعــدّه=قـديـم لا يـزعـلـك مـعـنـاه واخـراجــه
وفراغ قلبي غلاك ارهى علـى سـدّه=ليتـك تشـوف الغـلا وابـراجـه وعـاجـه
اقـوى ريــاح الـعـذل مــا تـقـدر تـهـدّه=والا الجفـا لــو تنـفـس هــدم ابـراجـه
تـغـانـم الـوصــل لـــن الـبـعـد لابـــدّه=ياتيـك فـي يـوم ثـم ياخـذك بـادراجـه
اللـي لـي انـك تليـن وتـتـرك الـشـدّه=واللي لك اني ما سولـف بـك لهراجـه
ولانـي بزعـلان واللـي نرتـجـي مــدّه=يـا بـاب قلـبـي ويــا قفـلـه ومـزلاجـه
زعلـة تغلـي ومـن تزعلـه مــن قــدّه=مـا دام كــل ٍ يـبـي دربــك ومنهـاجـه
غالـي وتبخـل علـي وتـطّـول الـصـدّه=الله يسـامـح غــلاك ويلـعـن الحـاجـه
.
.