السلام عليكم
قصيدة أعجبتني وحبيت أنقلها ولكم... وعذراً لا أعلم قائلها
أوصيك ياللي بالغلا صرت قده = ياواحدٍ حبه تربع على الجاش
أوصيك في ربك عقيده وسجده = ورجلٍ بدون الدين لا عاش..لا عاش
وأوصيك في أمك كل وقتٍ ومده = اللي تحط كفوفها عندك فراش
والرجل في عمه وخاله وجده = يافا ويصبر وإن لحق بالتجراش
بعض القرايب كل مازاد عده = تزيد شرهاته وتاتي على أدناش!!!
ورفيق جنبك بدة الناس بده = فالحر يرقى في جناحين برياش
رجلٍ بلا ربعٍ زمانه يهده = حتى ولو ماله كثيرٍ والأدباش
وحذراك بابك للمسير ترده = فلة أحجاج وضحكة الوجه ببلاش
الوقت في حاتم عصف به وهده = ويمناها ضراها بقعدان وكباش
ذاخرك في بيت فعوله تسده = ما أنته بحاتم لكن الطيب ينتاش
وأحذر على جارك لسده تحده = لاخير في رجلٍ خدوع وغشاش
وأحفظ عنوة كل عاني نوده = يقطعه رجلٍ عاش عمره تخشاش
وأحفظ لسانك وأعرف الهرج زبده = إياك من سمجة فضولين وخباش
خلك مثل بحرٍ على أطراف جده = سره عميق..وهيبته ترعش أرعاش
وإن جيت في فزعه وجوده ونده = حاول تجمل في الرجاجيل بالكاش
ترى الذخيره كلها نقول عده = وماطلقة البلجيك تاتي لرشاش
وترى المهار بسرجها والأشده = وإن أصهلت فشاجع الراس ينداش
وأحذر من الجاهل بمزحه وجده = ترى الثعل مع الأسد صار يعتاش
وأياك من الشمته وقولة مسده = يمكن يدور الوقت ويجيك وشواش
ولاكل من صافيت يبديك سده = حتى ولو قلبك له أبيض من الشاش
ولاكل رجالٍ صديقٍ تعده = يمكن إلا منه بدا الشان ينحاش
ولاكل سيفٍ لي شهر بان حده = يمكن يعود في جفيره على لاش
وحبل الوفاء ترى السنافي يمده = حتى ولو جات الليالي على ماش
وتقبلوا تحياتي
العرض الشجري