نـص جميـل ،،،
لـ الشاعر / علي السبعـان
أتمنـي إن تعجبـكم ....
قولـوا لهـا اللـي تواصلنـي وتقطعنـي =امـا تواصـل او القطعـه هـي القطعـه
ماتذكـر اشصـار .. والا ناسيـه يعنـي =من قـال منّـا أنـا رايـح بـلا رجعـه
والحين لو جيت ابرجـع وش يرجّعنـي =مـا دام قالـت بـأروح وقلـت للقلـعـه
قولوا لها ان كـان مـا عـادت تتابعنـي =باقي علـى خبرهـا والسمعـه السمعـه
لاتقول (سبعان).. وش عنـدك تسمّعنـي =حنا ترى ربع .. ما ابغـى منّهـا ربعـه
مـا نـي بكاظـم الا حبّـت تسمّعـنـي =ولا ني بنغمـه علـى جوالهـا (الدمعـه)
صحيـح (سبعـان) بشفـاهـا تلوّعـنـي =بنـت الذيـن تقـول البـنـت مرتفـعـه
اتمدّهـا لـيـن تاخـذنـي وتوجعـنـي =سبعااااااااان .. واقول وش تبغين يا ورعه!
والحيـن مـا عادنـي سبعانهـا المعنـي =ولا عاد حتى (علي) منهـا تجـي سنعـه
راحت عليها .. تجـي بكـره تراجعنـي =بعض القصايد تجي مـا تلحـق الطبعـه
لا تقول (سبعـان) أصـلا وش مسبّعنـي=الا انهـا تحبنـي سبعـه علـى سبـعـه
اسبوع تولـه علـي واسبـوع تقطعنـي =تزعلنـي السبـت وتصالحنـي الجمعـه
والحيـن تبغانـي ارجـع وش يرجّعنـي =وحيـاة غنـج الشفـاه وفتنـة اللمـعـه
لا اقطّـع.. قليبهـا .. قبـل ان يقطعنـي =واعـدّ.. قطعـه ورا قطعـه ورا قطعـه
مـا عـاد فيهـا كـذا والاّ كـذا يعـنـي =انـا كـذا مقتـنـع والبـنـت مقتنـعـه
الله يقـطـع سوالـفـهـا ويقطـعـنـي =ان كنـت صـادق بهالتهديـد والقطـعـه ..!
05-02-2009, 07:03 PM
العرض الشجري