صب لي وصلك انا ميت ضما..برتويه ولاعلى قلبك امر

[الوضحه]

هالقصيده..نقلتها لكم من مجلة المختلف..

للشاعر :خالد سعد الدوسري..


بس مبدع..ماشاء الله تبارك الله

اترككم مع ابداعه..

اليا شب البرد فيني واحتما=احطب لبالي من الذكرى عمر
اتذكر وش خذا القلب ورما=والوجيه اللي على عمري تمر
ولاذكرت اللي على حبي نما=قلت:ياخالد ترى هان الامر
العمر يفداك ياعذب اللمى=ياعذاب البيض ياسيد السمر
من عرفتك والسما ماهي سما=النجوم تطيح ويغيب القمر
تجري بجسمي مع مجرى الدما=والحنايا لك مساحات وممر
شف خفوقي عن هوى غيرك عما=وشف غراسه كيف ياكل الثمر
الحلا فيك لثلاث أشيا انتما=للشهد والطهر والورد الحمر
لاتضيق ان شفت عيني ابكما=ضحكتك سحر وسواليفك خمر
مايبلل خافقي قطرات ما=لاغدى صدري من الوحشه جمر
صب لي وصلك انا ميت ضما=برتويه ولاعلى قلبك امر
العمر واحد نقص والا نما=وانت حبك شي واحد ف/العمر