اخـوان الجهـاله ..جديد مطلق بن شويه //

[جطلي بن فهد]

شاعـرٍ غنّـا مـن الحـزن عصـرٍ مـن نهـار=إقتـفـاه اللـيـل والصـبـح عـيّـا يقتفـيـه
دار ظـهـره للمديـنـه و سـولـف للـجـدار=بعض ماعنـد اصدقـاه وبعـض ممـا لديـه !!
( العدالـه ) مأرتكـب مـن مواجههـا الـفـرار=غـيـر عـبـاد الـدراهـم وعـبـاد الوجـيـه
كـم وجـه ٍ( فيـه سجـده ويعلـوه الـوقـار )=ويتـورا خلفـه الخـبـث والخـلـق الكـريـه
وكـم وجـه ٍ( يفتقـر للخصوبـه والخـضـار )=ويتواجـد تحـت ضلعـه ميـة شخـص ٍ نزيـه
و (الطبايـع ) فـي المخاليـق ماهيـب إختيـار=كم مـن إنسـان ٍ خلـق فيـه طبـع ٍ مايبيـه !!
كـل واحـد فـي ضميـره ( ضميـرٍ مستعـار )=وكـل واحـد يحمـل يديـن ( ماتشبـه يديـه )
والدلـيـل ان الصغـايـر عواقبـهـا كـبـار :=( فار ) حوّل ( سد مـارب ) وهـو كبـر الجنيـه
ياكبيـريـن الاسـامـي طويلـيـن الـعـمـار=الرخيصه ليـه ؟؟ والغاليـه مـن غيـر ليـه !!
( العمـر ) ثـوب ٍ يجـي للكـبـار وللصـغـار=والبشـر واحــد يحـطـه وواحــد يرتـديـه
و (السنين ) أسرع من البرق و ( الموت ) قطـار=ركبـوا اللـي قبلنـا فـيـه وأنــا نحتـريـه
مـن تعـداه ويحطّـه عـلـى يــده اليـسـار=يعتـذر منّـه وعــز الله ان عــذره وجـيـه
يحرم : ( أن داس الحرام ) و ( هتك لله ستـار )=ويرزق : ( أن أدا صلاتـه ) و ( بـر بوالديـه )
و ( اللـوازم ) قضـي حاجـه وقاعـات اختبـار=يعـرف الـرجـال مـالـه ويـعـرف ماعلـيـه
ان تعامـل بأريحيـه فمـن حـسـن المـسـار=وأن تكلـف فـي فضيلـه تـرا ماهيـب فـيـه
و ( الفضيلـه ) ماتطلـب حكـيـم ومستـشـار=و ( القوي ) من يحرم النفـس شـي تشتهيـه !!
تركـض اخـوان الجهـالـه ورا ذات الخـمـار=و ( النبيـه ) اللـي يدلـك عليـه انـه نبيـه :
عن دخوله في ( التجادل ) و ( خوضه في الغمار )=( لبـس مايحلـو لغيـره ) و ( أكـل ممايليـه )
ان تخلـف عـن مهـمـه تخـلـف بإعـتـذار=وان تـولـى ناصيتـهـا تحـمـل مايـجـيـه
ومن عطـى الاقصيـن حسـن الأخـوّه والجـوار=سلموا اهله من لسانـه وسلمـوا مـن يديـه !!

وسلامتكم ..



لمطلق بن شويه

[رجـم بـذال]

و (الطبايع ) في المخاليق ماهيب إختيار
كم من إنسان ٍ خلق فيه طبع ٍ مايبيه !!


صح لسان مطلق بن شويه

شاعر

ولاهنت ياسماوي

على النقل

[الخالدية]

( العمر ) ثوب ٍ يجي للكبار وللصغار
والبشر واحد يحطه وواحد يرتديه
و (السنين ) أسرع من البرق و ( الموت ) قطار
ركبوا اللي قبلنا فيه وأنا نحتريه



سماوي بن نجم...

صح لسان شاعرها.. وصح نقلك
ولاهنت اخوي
يعطيك العافيه

[سهوم بقعهـ]

~

كل واحد في ضميره (ضميرٍ مستعار)
وكل واحد يحمل يدين (ماتشبه يديه)


واُقعية هذا النص تُضاهيِ عذوُبته

{سماوي بن نجم}

شكراً لك

..

[جطلي بن فهد]

الاخ الكريم

رجم بذال

لاهنت على المرور
والله يعطيك العافيه..

[جطلي بن فهد]

الاخت الكريمه

الخالديه
لاهنتي على المرور
والله يعطيك العافيه

[جطلي بن فهد]

الاخت الكريمه
سهوم بقعهـ

لاهنتي على المرور
والله يعطيك العافيه

[لبى خوالش]

السلام عليكم ورحمة الله وبركاتة

سماوي بن نجم...

لاهنت ع نقل القصيد

صح لسان الشاعر مطلق بن شويه

تقبل تحيااااااااااااااااااااااااااااااتي