مرثيه في المرحوم ( محمد فهد المتين )

[سعد بن بصيص ال فنيس]

السلام عليكم ورحمة الله وبركاتة




صبحكم الله بالخير


بما ان القصيده نزلت قبل أسبوعين تقريبا في قسم الشعر العام
انا هنا مُلزم بأن تنزل القصيده في قسم صدى المشاعر

وذلك لأن المنتدى له حق علي انا كأحد أعضاءه المنتسبين إليه .. !




مرثيه في أخي المرحوم / محمد فهد المتين

يحسن عزاكم يالمتين .. وعزانا=والموت عدٍ كلنا .. واردينه
ما هو بلانا الموت .. لكن بلانا=فرقا خويٍ كلنا .. خابرينه
رجلٍ على الماجوب .. ما قد توانا=ولا تاتي الشكات بينك .. وبينه
عز الله انه ما يخيّب رجانا=يوم ان غيره قام .. يفرك يدينه
حان الوعد للدمع يا عين .. حانا=ومن لا بكاه اليوم .. تفداش عينه
ما ظنتي بالدمع بيّن وفانا=صدق الوفا بالقلب .. تبطي سنينه
على رجا الايام .. تمشي خطانا=ما شفت زين الوقت .. ما غير شينه
احدٍ الا من غاب .. كنه معانا=وأحدٍ يعيش .. ولا حدٍ قال وينه
كان الحزن لفراق غالي .. خطانا .. ؟ =ترا خطانا بيرقٍ رافعينه .. !
علّ السحاب اللي يغطّي سمانا=يمطر على قبره .. ويجعله طينه
مرحوم يا محمد .. ولله دعانا=يغفر له ويجبر .. عزا والدينه
يا محمد .. اخوانك عزاهم .. عزانا=كلٍ على فرقاك .. ربي يعينه

وسلامتكم