ما عاد يلبس غترته يلبــس الكـاب....امحق حياتاً يا الآجاويد ( مـره )

[(سعد بن محمد)]

ياليت بعد الموت ماياتـي حسـاب***والله لمـوت اليـوم قـدام بكـره
قلتـه وانـا والله مانيـب كـذاب***لكن كلمـة واحـدا" مـل صبـره
شفت البلاوي كلها تونـي شـاب***ياحظ منهو نايمـا" وسـط قبـره
دنيا الفلس ما منها كون الاعجـاب***تلقى كثير اللي بها عـاف عمـره
يا ونتي ونة سجينـاً ورى البـاب***من عقب ما كانت خطاويـه حـره
امشي على الدنيا وراسي بها شاب***والقلب من حره قلب صار جمـره
أشوف لي ناساً على الارض تغتاب***وفلان سب فـلان وفـلان يكـره
وفلان عن درب السرابيت ما تاب***الله يجير الناس مـن كـل شـره
ما عاد ينشد من جماعه ولا اقراب***ولا عاد بين عند الاجـواد ذكـره
وهذا على درب الهوى حب وعتاب***مرا" سعيد ومـر تخنقـه عبـره
وهذا مخلي سلم عطران الاشنـاب***لابـارك الله فيـه لاهـو وكبـره
ما عاد يلبس غترته يلبس الكـاب***امحق حياتاً يا الآجاويد ( مـره )
يفـدون للـي للمواجيـب كسـاب***اللي على درب المناعيـر شبـره
اللي عن عيون المناعير ما غـاب***وما خذ من علوم الآجاويد خبـره
واللي على كسب النواميس طـلاب***ولاجآوه الظيفان مشروح صـدره
جرحي الى مني ذكرته ترى طـاب***والقلب يقلب باردا" عقـب حـره


منقول للامانه
ومايحضرني اسم الشاعر